कापडणे : परिसरात रविवारी (ता.१३) दुपारी तीनला वादळी वाऱ्यासह पाऊणतास तुफान मुसळधार पाऊस झाला. या वादळाने ठिकठिकाणी मोठी झाडे उन्मळून पडली. शेतकऱ्यांची अचानक आलेल्या पावसाने त्रेधातीरपीठ उडाली. वाळविण्यासाठी टाकलेला कापूस पुन्हा ओला झाला. सततच्या पावसाने शेतकरी हतबल झाला असून, आर्थिक संकट उभे ठाकले आहे.
रविवारी दुपारी धुळे तालुक्यातील नगाव, धमाणे, तीसगाव, ढंढाणे, वडेल, रामनगर, देवभाने, सरवड, धनूर, लोणकुटे, तामसवाडी, न्याहळोद, जापी व बिलाडी शिवारात मुसळधार पावसाने मोठे नुकसान केले. सलग पाचव्या दिवसाच्या पावसाने पिकांचे अतोनात नुकसान वाढत चालले आहे. बाजरी, मका, ज्वारी, कापूस, भुईमुगाचे सत्तर टक्क्यांपर्यंत नुकसान वाढविले आहे.
पंचनामे केव्हा कराल?
सततच्या पावसाने मोठे नुकसान होऊनही पिकांचे सरसकट पंचनामे होत नसल्याने शेतकऱ्यांमधून नाराजी व्यक्त होत आहे. पंचनामे केव्हा कराल, असा उद्विग्न सवाल शेतकऱ्यांमधून विचारला जात आहे.
"पीकविमा कंपन्यांकडून शेतकऱ्यांची बनवाबनवी केली जात आहे. सरसकट पंचनामे करणे गरजेचे आहे."- आत्माराम पाटील, माजी जिल्हाध्यक्ष, शेतकरी संघटना
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
