Dhule Agriculture News : धुळे तालुक्यात पिकांच्या वाढीस पोषक पाऊस; निंदणीवर अधिक खर्च

Dhule News : धुळे तालुक्यात बहुतांश पेरण्या मृग नक्षत्राच्या शेवटच्या टप्प्या झाल्या. उर्वरित जूनअखेरपर्यंत पूर्ण झाल्या. पिकांच्या वाढीसाठी पोषक पाऊस होत आहे. महिनाभराची पिके चांगली तरारली आहेत. मात्र पाऊस होत असल्याने निंदणी आणि कोळपणीसाठी अधिक खर्च होत आहे. पिकांच्या पोषक वाढीने शेतकरी सुखावला आहे. (Sufficient rain for crop growth in taluk)

धुळे तालुक्याच्या काही भागात ७ जूनच्या रात्री अर्थात मृग नक्षत्राच्या पहिल्याच दिवशी मुसळधार पाऊस झाला होता. त्यानंतर ११ व १३ जूनला पोषक पाऊस झाला. पेरण्यांना प्रारंभ झाला होता. त्यानंतर अतिवृष्टीसदृश पाऊस झाल्याने बऱ्याच शेतकऱ्यांच्या पेरण्या वाया गेल्या.

त्यांना दुबार पेरण्या कराव्या लागल्या. जूनअखेरपर्यंत पेरण्या पूर्ण झाल्या. जुलैच्या पहिल्या आठवड्यापासून सातत्यपूर्ण मध्यम पाऊस होत आहे. या पावसाने पिकांची वाढ जोरकस होत आहे. (latest marathi news)

सातत्यपूर्ण पावसाने तण अधिक फोफावत आहे. शेतकरी निंदणी आणि कोळपणीच्या खर्चाने हैराण झाले आहेत. दरम्यान, तालुक्यात कपाशीसह मका व ज्वारीचे क्षेत्र वाढले आहे. कडधान्याचे क्षेत्र घटले आहे.

"निंदणीवर अधिक खर्च होत आहे. सततच्या पावसाने तण अधिक होते. ते पिकांना मारक असते. परिणामी कोळपणी आणि निंदणीही सातत्यपूर्ण करावी लागतेय." - भरत पाटील, कौठळ