Dhule Municipality News : महापालिकेच्या करवसुलीसंदर्भात जप्ती पथकाने गल्ली क्रमांक चार आणि बारापत्थर भागात बुधवारी (ता. २१) कारवाई करत तीन गाळे सील केले. शिवाय एकाची नळजोडणीही खंडित केली. संबंधित गाळेधारकांना वारंवार नोटीस देऊनही त्यांनी थकीत कर भरणा न केल्याने ही कारवाई करण्यात आली.
शहरासह हद्दवाढ भागात अनेक मालमत्ताधारकांकडे कर थकाबाकी असल्याने महापालिका आयुक्त अमिता दगडे-पाटील यांच्या आदेशाने जप्ती पथके नेमण्यात आली आहेत. (Dhule Tax collection)
त्यानुसार अतिरिक्त आयुक्त करुणा डहाळे यांच्या नियंत्रणाखाली व उपायुक्त शोभा बाविस्कर यांच्या मार्गदर्शनात जप्ती पथकाने कारवाई केली. शहरातील गल्ली क्रमांक चारमधील चाणक्य डेव्हलपर्सचे आबा पाटील यांचा गाळा सील करण्यात आला.
त्यांच्याकडे एक लाख पाच हजार ८६ रुपये थकबाकी असल्याने व वारंवार नोटीस देऊनही प्रतिसाद न दिल्याने ही कारवाई करण्यात आली.
नंतर बारापत्थर येथे मोहम्मद रमजान सिराज अहमद यांच्याकडे ७५ हजार २७४ रुपयांची थकबाकी असल्याने त्यांचे दोन गाळे सील केले. त्यांची नळजोडणी खंडित करण्यात आली. ही कारवाई वसुली अधीक्षक शिरीष जाधव, निरीक्षक मधुकर वडनेरे, अनिल सुडके, अशोक मंगिडकर यांच्या पथकाने केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
