चिमठाणे : वालखेडा (ता. शिंदखेडा) शिवारात शुक्रवारी (ता. १२) सायंकाळी वादळी वाऱ्यासह अवकाळी पावसामुळे एका शेतकऱ्याची बहरलेल्या लिंबूच्या बागेतील १८ ते २० वृक्ष उन्मळून पडले. तर हुंबर्डे येथील शेतकऱ्याची केळीची बाग भुईसपाट झाली. शेतकऱ्यांच्या तोंडी आलेला घास निसर्गाने हिरावून घेतल्याने शेतकरी आर्थिक संकटात सापडला आहे. (Dhule Unseasonal Rain Damage Lemon banana orchard in Sindkheda collapse)
शासनाने लवकरात लवकर पंचनामे करण्याची मागणी शेतकऱ्यांनी केली आहे. शिंदखेडा तालुक्यात गेल्या दोन-तीन दिवसांपासून ऊन-सावलीचा खेळ सुरू आहे. तालुक्यात शुक्रवारी दुपारी काही ठिकाणी वादळी वाऱ्यासह तुरळक पाऊस झाला.
वालखेडा शिवारातील लक्ष्मण पांडुरंग कोळी यांच्या शेतातील लिंबूंची जवळपास १८ ते २० झाडे उन्मळून पडली आहेत. तर हुंबर्डे येथील विलास पवार यांची तयार झालेली केळीची बाग भुईसपाट झाल्याने आर्थिक नुकसान झाले. (latest marathi news)
शनिवारी (ता. १३) सकाळी तालुका कृषी अधिकारी शितलकुमार तंवर, कृषी मंडळ अधिकारी आर. डी. मोरे, महसूल मंडळ अधिकारी स्वाती कोळी, कृषी पर्यवेक्षक पी. जे. पाटील, तलाठी किशोर बडगुजर, कृषी सहाय्यक पी. ओ. राजपूत यांनी नुकसानग्रस्त फळबागेची पाहणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
