सबस्क्राईब करा
कापडणे : राज्यातील शाळा १५ जूनपासून सुरू होत आहेत. आता शाळाप्रवेशासाठी लगीनघाई सुरू असल्याचे पाहायला मिळत आहे. चांगल्या शाळेत प्रवेश घ्यायचा मग धावपळ करावीच लागेल, असेही कानी पडत आहे. मात्र ग्रामीण भागातील मराठी शाळांनी कात टाकली.
मराठी शाळा डिजिटल झाल्या आहेत. पारंपरिक गुरुजी, सर, तर बाई आता ‘टीचर’ झाल्या आहेत. अर्थात तसे संबोधले जाऊ लागले आहे. शाळांची गुणवत्ता वाढत असल्याने बहुतांश पालकांची पावले मराठी शाळेकडे वळू लागली आहेत. (Dhule zp digital Marathi school)
जिल्हा परिषदेची शाळा म्हटली म्हणजे नाके मुरडणाऱ्यांची कमी नाही. इंग्रजी माध्यमातील शाळांमध्ये टाकले म्हणजे आम्ही चिंतामुक्त झालो, असे म्हणणाऱ्यांचीही कमी नाही. म्हणून गेल्या काही वर्षांपासून इंग्रजी माध्यमातील शाळांना ‘अच्छे दिन’ पाहायला मिळाले. पण कोरोनानंतर मराठी शाळांना अच्छे दिन आले आहेत.
पावले वळती मराठी शाळेकडे
मराठी शाळांची रंगरंगोटी, परसबाग, डिजिटल वर्ग, बऱ्याच ठिकाणी सुरू झालेले सेमी इंग्लिश माध्यमाचे वर्ग आणि सततच्या प्रशिक्षणामुळे अपडेट झालेले शिक्षक अशा विविध कारणांमुळे मराठी शाळांनी कात टाकली आहे. गुणवत्ताही कमालीची उंचावली आहे. ग्रामीण भागात मराठी शाळांमधील प्रवेश वाढले आहेत. (latest marathi news)
मराठी शाळेतील सुविधा
मराठी शाळांमध्ये पुस्तके, गणवेश, दप्तर आदी मोफत मिळते. मध्यान्ह भोजनाची सुविधा आहे. उच्च शिक्षित आणि प्रशिक्षित शिक्षक वर्ग आहे. विविध सांस्कृतिक व क्रीडात्मक उपक्रम सुरू असतात. गुणवत्ता चाचण्या घेतल्या जातात आदींमुळे मराठी शाळांकडे प्रवेशाचा कल वाढल्याचे पाहायला मिळत आहे.
शनिवारी दप्तरविना शाळा
धुळे जिल्ह्यात प्रत्येक शनिवारी दप्तरविना शाळा उपक्रम राबविला जात आहे. यामुळे विद्यार्थ्यांमधील उपजत कलागुणांना मोठी संधी मिळत आहे. परिपाठामुळे तर संस्कारक्षम पिढी घडत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
