![Zilla Parishad President Dharti Deore during an inspection during the academic level determination test at Zilla Parishad School. Neighbors other dignitaries, teachers.](http://media.assettype.com/esakal%2F2024-07%2F1b62768d-2684-4fe4-9e07-1d86cf09a1e1%2FDhule%20News%20-%202024-07-19T152959.713.jpg?rect=0%2C0%2C1200%2C675&w=480&auto=format%2Ccompress&fit=max)
Dhule News : जिल्ह्यातील सर्व जिल्हा परिषद शाळांमध्ये दुसरी ते आठवीच्या विद्यार्थ्यांचे शालेय वेळेत अध्ययनस्तर निश्चिती करण्याकरिता चाचणीचे आयोजन करण्यात आले आहे. त्या अनुषंगाने जिल्हा परिषद अध्यक्षा धरती देवरे यांनी आर्वी (ता. धुळे) येथील जिल्हा परिषद मराठी शाळेस या चाचणीदरम्यान अचानक भेट देत तपासणी केली. (Dhule ZP President Dharti Devere Review of Academic Level Test)
जिल्हा व तालुका स्तरावरील सर्व अधिकारी व शिक्षण यंत्रणेला संबंधित शाळांमध्ये अध्ययनस्तर निश्चिती चाचणी पारदर्शक करण्याची सूचना देण्यात आली होती. त्याअंतर्गत जिल्हा परिषद अध्यक्षा देवरे यांनी शाळेची तपासणी केली.
या वेळी जिल्हा परिषद सदस्या शोभा पाटील, जिल्हा शिक्षण व प्रशिक्षण संस्थेच्या प्राचार्या मंजूषा क्षीरसागर, पंचायत समिती सदस्या लताबाई शेणगे, गटशिक्षणाधिकारी व्ही. बी. घुगे, आर्वी केंद्रप्रमुख जितेंद्रसिंग झाल्टे, किशोर हालोर, जिभाऊ शेणगे, माजी सरपंच संजय चौधरी, नाना खैरनार, शांताराम माउली, रोहिदास तलवारे, मुख्याध्यापक उमेश सांगळे व शिक्षक उपस्थित होते. (latest marathi news)
दरम्यान, या भेटीच्या निमित्ताने अध्यक्षा देवरे यांनी प्राथमिक आरोग्य केंद्रालाही भेट देत आरोग्य केंद्राचा आढावा घेतला. प्राथमिक आरोग्य केंद्राच्या भौतिक सुविधा तसेच प्रसूती विभाग, बुडीत मजुरी योजना लाभार्थी याबाबत त्यांनी माहिती घेतली, कामाची पाहणी केली. प्राथमिक आरोग्य केंद्र समाविष्ट गावांचा आरोग्य सुविधांबाबत जिल्हा वैद्यकीय अधिकारी डॉ. सचिन बोडके यांनी माहिती दिली. या वेळी डॉ. भागवत लोंढे, डॉ. महेश ढवळे, डॉ. मित्तल पाटील यांनी कार्य आढावा सादर केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.