Sarangkheda Yatra : सारंगखेडा येथील घोडे बाजारात महागडे घोडे येण्यास सुरवात झाली असली तरी सध्या दाखल झालेल्या अश्वांपैकी पंजाब च्या बठेंडा येथील ‘टॅंक’ ची चर्चा सध्या जोरात सुरू आहे.
या टॅंक ची विक्री करायची नाही परंतु त्याची विक्रीची किंमत आलिशान गाड्यांपेक्षाही महाग आहे. ७० लाखापर्यंत टॅंक ची बोली लागली आहे. (Discussion of Tank in Sarangkheda horse market nandurbar news)
परंतु त्याची किंमत दोन कोटी रुपयांपर्यंत आहे. ‘टॅंक’ चे मालक राजभाई घोडेवाले यांना मात्र हा घोडा विकायचा नाहीये. कारण तो जातिवंत नुकरा आहे. फक्त प्रदर्शनासाठी यात्रेत ‘टॅंक’ ला आणले आहे.
सारंगखेडा (ता. शहादा) येथील घोडे बाजारात राजभाई गेल्या १० वर्षांपासून सतत येत आहेत. यंदा त्यांच्या दाखल झालेल्या पंजाब येथील टॅंक घोड्याची चर्चा आहे. त्याची अदा, त्याचे सौंदर्य, त्याची चाल, त्याचा रुबाब पाहून सारेच थक्क होत आहेत. त्याची किमतीची २० लाख, ५० लाख नव्हे तर चक्क दोन कोटी आहे.
‘टॅंक’ घोड्याची वैशिष्टे
टॅंक हा पंजाबमधील राजभाई घोडेवाले यांचा अश्व असून त्याची उंची ७० इंच इतकी आहे. देशातील सर्वात उंच घोडा असल्याचा त्यांचा दावा त्यांनी केला आहे. हा नुकरा जातीचा असून पांढरा शुभ्र आहे .
त्याचा खानपानाची विशेष काळजी घेतली जात असते. त्याला दिवसाला ७ लिटर दूध तसेच मका, राईचे तेल बदाम गावरान अंडी दिले जात असतात. अजून अन्य आहारही त्याला दिला जातो. त्याची देखभाल करण्यासाठी तीन व्यक्ती तैनात असतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
