Dhule Crime News : मध्य प्रदेश सार्वत्रिक विधानसभा निवडणुकीच्या पार्श्वभूमीवर येथील राज्य उत्पादन शुल्क विभागाच्या भरारी पथकाने कारवाई केल्याची माहिती पथक निरीक्षक दत्तात्रय दिंडकर यांनी दिली.(Excise duty action due to Madhya Pradesh elections dhule crime news)
वरिष्ठ अधिकाऱ्यांसह अधीक्षक मनोज शेवरे यांच्या मार्गदर्शनाखाली कारवाई झाली. वाहनातून अवैध बनावट देशी दारूची वाहतूक होणार असल्याची माहिती विभागाला मिळाली. त्यानुसार १ नोव्हेंबरला रात्री संशयित वाहनाचा पाठलाग करण्यात आला.
परंतु, अंधाराचा फायदा घेत वाहनचालक फरारी झाला. घटनास्थळावरुन बोलेरो पिक-अप वाहनासह बनावट देशी दारूचा एकूण आठ लाख २१ हजार ४४० किमतीचा मुद्देमाल जप्त करण्यात आला.
फरारी वाहनचालकासह संशयितांविरुद्ध गुन्हा दाखल झाला. या घटनेत पुढे जप्त मोबाईलद्वारे तपास करून वाहनमालकास अटक झाली.
श्री. दिंडकर, निरीक्षक आर. आर. धनवटे, दे. प्र. नेहूल, दुय्यम निरीक्षक एस. एस. शिंदे, एस. एस. आवट, जवान विजय नाहीदे, नीलेश मोरे, जवान काशीनाथपुरी गोसावी यांनी कारवाईसाठी सहकार्य केले. श्री. दिंडकर तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
