Dhule Crime News : येथील पंचायत समितीच्या ग्रामपंचायत विभागातील विस्तार अधिकारी जगदीश पांडुरंग खाडे यांना आज दुपारी एकच्या सुमारास पंचायत समिती कार्यालयात सहाय्यक गटविकास अधिकाऱ्यांच्या दालनातच प्रवीण मुरलीधर बोरसे (रा. कावठे, ता. साक्री) यांनी मारहाण केली. (Gram Panchayat Extension Officer Jagdish Khade beaten dhule crime news)
या प्रकरणी मारहाण तसेच शासकीय कामात अडथळा निर्माण केल्याने गुन्हा दाखल करण्यात आला असून, पोलिसांनी प्रवीण बोरसे यास ताब्यात घेतले आहे.
नागपूर (व, ता. साक्री) येथील ग्रामपंचायत शिपाई अनिल बिरारीस यास कामावर हजर करून घ्या, असे सांगत, धमकावत शिवीगाळ करून श्री. खाडे यांना मारहाण करण्यात आली. दुपारी एकच्या सुमारास सहाय्यक गटविकास अधिकारी भगवान पाटील यांनी श्री. खाडे यांना त्यांच्या दालनात बोलवले असता या वेळी प्रवीण बोरसे हाही त्या ठिकाणी उपस्थित होता.
श्री. बोरसे हे नागपूर (व) ग्रामपंचायत येथे शिपाई पदावर नेमणुकीस असलेल्या अनिल बिरारीस यांच्या निलंबनाबाबत विचारणा करीत त्यांना कामावर हजर करून घ्या, असे सांगत धमकावत होते.
हेही वाचा : Credit Card फसवणूक....काय घ्याल काळजी?
श्री. खाडे यांनी सदर प्रकरण न्यायप्रविष्ट असल्याचे सांगत त्यांची समजूत काढण्याचा प्रयत्न केला, मात्र श्री. बोरसे यांनी संतापात उठून शर्ट कॉलर पकडून शिवीगाळ करीत त्यांना बुक्क्यांनी मारहाण करीत शासकीय कामात अडथळा आणला.
तसेच, मी सामाजिक कार्यकर्ता असून, तुमची नोकरी खाऊन जाईल, तुम्हाला निलंबित करेल, अशा शब्दांत धमकावल्याचे या तक्रारीत श्री. खाडे यांनी नमूद केले आहे. या वेळी सहाय्यक गटविकास अधिकारी पाटील, विस्तार अधिकारी अमृत महाले, दीपक सुर्वे आदींनी मध्यस्थी करीत श्री. खाडे यांना श्री. बोरसे यांच्यापासून सोडविले. यानंतर श्री. खाडे यांनी पोलिस ठाण्यात प्रवीण बोरसे याच्याविरोधात फिर्याद दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
