Nandurbar News : गावातील विकासकामांचे बिल अदा करण्यासाठी अक्कलकुवा पंचायत समितींतर्गत असलेल्या ग्रामसेवक मनोज पावरा (रा. दामोदरनगर, तळोदा) यास सहा लाख ४७ हजार रुपयांची लाच घेताना नंदुरबार लाचलुचपत प्रतिबंधक विभागाने रंगेहाथ पकडून गुन्हा दाखल केला.
ग्रामसेवकास बुधवारी (ता. ७) तळोदा न्यायालयात हजर केले असता न्यायालयाने तीन दिवसांची पोलिस कोठडी दिल्याची माहिती सूत्रांनी दिली. (Gram Sevak was caught red handed while accepting bribe of six and half lakh nandurbar bribe news)
तक्रारदाराची पत्नी ग्रामपंचायत सिंदुरी (ता. अक्कलकुवा) येथे सरपंच होती. यानंतर ग्रामपंचायतीवर शासनाचे प्रशासक कार्यरत होते. या काळात ग्रामपंचायत सिंदुरी अंतर्गत मंजूर रस्ता काँक्रिटीकरण, पेव्हर ब्लॉक बसविणे अशी विविध आठ प्रकारची मंजूर विकासकामे तक्रारदार व त्यांच्या इतर सहकाऱ्यांनी पूर्ण केली आहेत.
नमूद कामे पूर्ण झाल्यावर कामांबाबतचे बिल ३२ लाख ३४ हजार रुपये ग्रामपंचायत सिंदुरीच्या बँक खात्यात शासनाकडून आले आहे. मात्र, नमूद कामांच्या बिलाचे धनादेश देण्याच्या मोबदल्यात आरोपी ग्रामसेवक व खासगी व्यक्ती यांनी बिलाच्या रकमेच्या २० टक्के रक्कम म्हणजे सहा लाख ४७ हजार रुपये लाचेची मागणी करीत रक्कम पंच व साक्षीदारांसमक्ष स्वीकारली.
यामुळे गुन्हा दाखल झाला आहे. ही कारवाई लाचलुचपत प्रतिबंधक विभागाचे सापळा अधिकारी पोलिस उपअधीक्षक राकेश चौधरी, कार्यवाही पथक पोलिस हवालदार विलास पाटील, देवराम गावित, पोलिस नाईक संदीप नावाडेकर, नरेंद्र पाटील, सुभाष पावरा, संदीप खंदारे, हेमंत महाले.
जितेंद्र महाले तसेच सापळा मदत पथक पोलिस निरीक्षक समाधान वाघ, माधवी वाघ, नाईक विजय ठाकरे यांच्या पथकाने लाचलुचपत प्रतिबंधक विभागाच्या नाशिक परिक्षेत्राच्या पोलिस अधीक्षक शर्मिष्ठा घारगे-वालावलकर, अप्पर पोलिस अधीक्षक माधव रेड्डी, पोलिस उपअधीक्षक नरेंद्र पवार यांच्या मार्गदर्शनाखाली केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
