Nandurbar Rain Update : तळोदा तालुक्यात बुधवारी (ता. १२) सकाळपासून पावसाने जोरदार हजेरी लावली. त्यामुळे सर्वत्र नदी-नाले दुथडी भरून वाहू लागले आहेत. शिर्वे, इच्छागव्हाण, रेवानगर, सोरापाडा या भागात पावसाचा जोर अधिक होता. (heavy rainfall in taloda nandurbar news)
शिर्वे व सोरापाडा येथे काही घरांमध्ये पाणी गेले, तर कोठार, पाडळपूर, धनपूर या भागातदेखील पावसाचा जोर होता. दुसरीकडे बऱ्हाणपूर-अंकलेश्वर महामार्गावर लोभाणी गावाजवळील पुलावरून पाणी वाहत होते.
तालुक्यात बुधवारी पाऊस कोसळधार घेऊन आला होता. सकाळपासून सुरू झालेली कोसळधार दुपारी दोनपर्यंत सुरू होती. त्यामुळे तालुक्यात सर्वत्र पाणीच पाणी झाले होते. तळोदा शहरातदेखील ठिकठिकाणी तळे साचले होते.
हेही वाचा : Credit Card फसवणूक....काय घ्याल काळजी?
नवीन वसाहतींमध्येदेखील सर्वत्र पाण्याचे तलाव साचले आहेत. त्यामुळे पावसाच्या जोरदार हजेरीने शेतकरीराजा सुखावला आहे.
सातपुड्यात उगम पावणारे तालुक्यातील सर्वच नदी-नाले दुथडी भरून वाहू लागल्याने सर्वत्र पाणीच पाणी झाले होते. त्यामुळे नळगव्हाण येथील नदीला मोठा पूर आला, तर लोभाणी येथे बऱ्हाणपूर अंकलेश्वर महामार्गावर पुलावरून पाणी वाहत होते.
तालुक्यातील शिर्वे, सोरापाडा या गावांतील काही घरांमध्ये पाणी गेल्याचीदेखील घटना घडली आहे. ग्रामस्थांनी तातडीने नागरिकांना सुरक्षित स्थळी हलविले होते. दरम्यान, नागरिकांनी पूर पाहण्यासाठी ठिकठिकाणी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
