Dhule Crime : गुरांची अवैध व निदर्यपणे होणाऱ्या वाहतुकीविरोधात पोलिसांनी कारवाई मोहीम राबविली. त्यानुसार मंगळवारी (ता. ५) दोन वाहनांवर कारवाई झाली. यात १७ गुरांची सुटका केली. सुमारे सव्वासात लाखांचा मुद्देमाल जप्त केला. (Illegal traffic of cattle seized 7 lakhs dhule crime news)
सरवड-लामकानी (ता. धुळे) रस्त्यावर मंगळवारी पहाटे साडेचारच्या सुमारास पेट्रोलिंग करताना सोनगीर पोलिसांना सोनगीरकडून नंदाणेकडे गुरांची निदर्यपणे वाहतूक करणारे पिक-अप (एमएच ०४, डीएच ११५२) वाहन दिसले. पोलिसांनी वाहनचालकाला थांबण्याचा इशारा केला. मात्र, चालकाने वाहन वेगाने पळविले.
नंतर नंदाणे शिवारात वाहन उभे करून तो पळून गेला. पोलिसांनी तपासणी केली असता सात गोवंशीय जनावरांना दोरीने बांधून कोंबलेले आढळले. कत्तलीच्या उद्देशाने त्यांची वाहतूक केली जात होती. तीन लाखांचे वाहन व ५५ हजारांची सात गुरे असा मुद्देमाल जप्त केला. नितीन जाधव यांच्या फिर्यादीवरून सोनगीर पोलिस ठाण्यात वाहनचालकावर गुन्हा दाखल झाला.
हेही वाचा : Credit Card फसवणूक....काय घ्याल काळजी?
दुसरी कारवाई मोहाडी पोलिसांनी केली. मंगळवारी पहाटे चारच्या सुमारास गुरांची अवैध वाहतूक रोखली. चाळीसगाव रोडवरील सावळदे पेट्रोलपंपासमोर पिक-अपला (एमएच १८, ईबी ०९४५) पकडले. चालक वाहन सोडून अंधारात पसार झाला.
वाहनात दहा गुरांना निर्दयपणे कोंबले होते. त्यातील एक गोऱ्हा मृतावस्थेत आढळला. ५९ हजारांची गुरे व तीन लाखांचे वाहन, असा मुद्देमाल जप्त केला. राजेंद्र रोकडे यांच्या फिर्यादीवरून मोहाडी पोलिस ठाण्यात वाहनचालकावर गुन्हा दाखल झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.