Dhule News : पुणे येथे अल्पवयीन मुलाने पोर्शे स्पोर्टस कार चालवून अपघातात दोघांचा जीव घेतल्याच्या प्रकरणाच्या पार्श्वभूमीवर धुळे शहर पोलिसांनी विशेष कारवाई मोहीम राबविली. त्यात अठरा वर्षांखालील व विनापरवाना १३ दुचाकीचालक विद्यार्थ्यांना दंड ठोठावण्यात आला. प्रत्येकी पाच हजार रुपये दंडाची रक्कम त्यांच्या पालकांकडून वसूल केला. शहरात १८ वर्षांखालील तसेच, विनापरवाना अनेक मुले वाहन चालवितात. ( Penal action against students under 18 years of age driving two wheeler )
त्यामुळे अपघात होऊन वाहनचालकांच्या व अन्य नागरिकांच्या जीवितास धोका निर्माण होतो. अशा प्रकारांना आळा बसावा म्हणून पोलिस अधीक्षक श्रीकांत धिवरे, अपर पोलिस अधीक्षक किशोर काळे व पोलिस उपअधीक्षक एस. ऋषीकेश रेड्डी यांच्या मार्गदर्शनाखाली शहरातील मुख्य रस्त्यांवर शहर वाहतूक शाखेतील पोलिस अधिकारी व अंमलदार यांनी सोमवारी (ता.२७) सायंकाळी पाच ते सातदरम्यान विशेष मोहीम राबवली. त्यात १८ वर्षांखालील विद्यार्थी तसेच वाहन चालविण्याचा परवाना नसलेल्या विद्यार्थ्यांवर मोटार वाहन कायद्यान्वये कारवाई करण्यात आली. (latest marathi news)
या १३ वाहनचालकांच्या पालकांकडून प्रत्येकी पाच हजार रुपये याप्रमाणे एकूण ६५ हजार रुपये दंड वसूल करण्यात आला. ही मोहीम यापुढेही सुरू राहील. पालकांनी आपल्या १८ वर्षांखालील पाल्यांना तसेच वाहन चालविण्याचा परवाना नसलेल्या पाल्यांना वाहन चालविण्यास देऊ नये असे आवाहन शहर वाहतूक शाखेचे साहाय्यक पोलिस निरीक्षक भूषण कोते केले.
जॅमर लावून कारवाई
काहीजण रस्त्यांवर वाहने लावून वाहतुकीस अडथळा निर्माण करतात. यावर उपाय म्हणून येत्या आठवड्यात जॅमर खरेदी केले जातील. जे वाहनधारक रस्त्यात बेशिस्तपणे वाहन लावतील, अशा वाहनांना जॅमर लावून कारवाई केली जाईल, असा इशारा पोलिस उपअधीक्षक एस. ऋषीकेश रेड्डी यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
