Teacher Constituency Election : नाशिक विभाग शिक्षक मतदारसंघ निवडणुकीसाठी जिल्ह्यात बुधवारी (ता.२६) मतदान प्रक्रिया शांततेत व सुरळीतपणे पार पडली. जिल्ह्यात एकूण ८ हजार १५९ मतदारांपैकी ७ हजार ६५१ मतदारांनी मतदानाचा हक्क बजावला. हे प्रमाण ९३.७७ टक्के आहे. जिल्ह्यात सहा हजार २०३ पुरुष, तर एक हजार ९५६, असे एकूण ८ हजार १५९ मतदार होते. पैकी ५ हजार ८४१ पुरुष, तर १ हजार ८१० महिला, असे एकूण ७ हजार ६५१ शिक्षक मतदारांनी मतदानाचा हक्क बजावला. (Election Average voting from Dhule district is 93 percent )
यात पुरुष मतदारांचे प्रमाण ९४ टक्के, महिला मतदारांचे प्रमाण ९३ टक्के आहे. धुळे शहरातील मतदान केंद्रात मतदारांची सकाळपासून गर्दी होती. उत्साही वातावरणात मतदान झाले. महाजन हायस्कूल केंद्रात दुपारी एकपर्यंत सरासरी ४७ टक्के मतदान झाले होते. जिल्हाधिकारी तथा जिल्हा निवडणूक निर्णय अधिकारी अभिनव गोयल यांनी मतदान केंद्राची पाहणी केली. (latest marathi news)
मतदान केंद्राजवळ उमेदवारांचे बूथ होते. अधिकाधिक मतदारांनी मतदान करावे यासाठी उमेदवारांनी फिल्डींग लावली होती. धुळे जिल्ह्यासह खानदेशातून एकमेव राष्ट्रवादी काँग्रेसचे उमेदवार ॲड. महेंद्र भावसार रिंगणात होते. नाशिक, नगर भागातील वीस उमेदवार रिंगणात होते. ॲड. भावसार यांच्यासह चौघांमध्ये चुरशीची लढत होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
