Nandurbar Kanumata Utsav : कानूमाता उत्सव काही दिवसांवर; कानूमाता मुखवटे निर्मितीत कारागीर व्यस्त

Nandurbar Kanumata Utsav : खानदेशात अनन्यसाधारण असे महत्त्व असलेल्या कानूमाता उत्सव काही दिवसांवर येऊन ठेपल्याने कानूमाता मुखवटेसह इतर अवयवनिर्मितीचे कामे करताना कारागीर व्यस्त दिसून येत आहेत. (Kanumata utsav Artisans busy making Kanumata masks nandurbar news)

कानूमाता उत्सवात दुरावलेली भाऊबंदकी एकत्र येत हा उत्सव मोठ्या थाटात साजरा करतात. या उत्सवाला श्रावण महिन्याच्या पहिल्या व दुसऱ्या आठवड्यात रविवार, सोमवार असे दोन दिवस साजरा करतात. उत्सवासाठी काहींकडे नारळाची कानूमाता, तर काहींकडे वडिलोपार्जित हात-पाय असलेली कानूमाता असते.

सध्या या उत्सवाला काही दिवस अवधी असला तरी कारागिरांकडून नवीन कानूमाता घडविण्याचे काम अंतिम टप्प्यात आहे.

हेही वाचा : Credit Card फसवणूक....काय घ्याल काळजी?

सारंगखेडा (ता. शहादा) येथील कारागीर संजय मिस्तरी हे दोन्ही पायांनी अपंग असताना लाकडापासून विविध कलाकृतींची निर्मिती करतात. सध्या लाकडी हात-पाय असलेली कानूमाता निर्मिती करण्यात ते व्यस्त दिसून येत आहेत.

विविध सण, उत्सवांचा महिना म्हणून श्रावण महिन्याला विशेष महत्त्व आहे. श्रावणात नागपंचमीनंतर येणाऱ्या पहिल्या रविवारी कानूबाईमातेची स्थापना होते. खानदेशात कोणी कानूमाता, तर कोणी कानबाई म्हणतात. कानूमातेच्या रोटला विशेष महत्त्व असते. चाकरमाने उत्सवानिमित्त आपल्या गावी येतात. भाऊबंदकीला या उत्सवात विशेष महत्त्व असते.