अल्पवयीन मुलीचं कारमधून अपहरण आणि....; जळगावात घडला धक्कादायक प्रकार

जळगाव : जळगाव (Jalgaon) जिल्ह्यातील पहूर (ता.जामनेर) येथील १५ वर्षाच्या अल्पवयीन मुलीला पळवून नेऊन कारमध्ये तिच्यावर बलात्कार केल्याची घटना समोर आली आहे. घटनेनंतर आरोपी फरार झाला आहे. या प्रकरणी पहूर येथील पोलिस ठाण्यात गणेश पवार याच्याविरुद्ध सोमवारी (ता.२१) गुन्हा दाखल करण्यात आला आहे. १८ मार्च रोजी गणेश पवार याने अल्पवयीन मुलीला पळून जाऊ असे सांगितले. तिला कारमध्ये बसवले. त्यानंतर एका ठिकाणी कार थांबवून मुलीवर बलात्कार केला, असे पीडिताने तक्रारीत सांगितले आहे. (Man Abused Minor Girl In Jalgaon)

तिने दिलेल्या फिर्यादीवरुन पहूर पोलिस ठाण्यात आरोपी गणेश पवार याच्याविरुद्ध गुन्हा दाखल करण्यात आला आहे. या प्रकरणाचा तपास पोलिस उपनिरीक्षक संदीप चेडे करित आहेत.