साक्री (धुळे) : पेट्रोल पंपांवर आज पेट्रोलच्या दराने (Petrol diesel price) शंभरी ओलांडली असून प्रति लिटर शंभर रुपये १० पैसे असा आजचा पेट्रोलचा दर झाला आहे. तर डिझेलचा दर देखील ९०.५६ इतका झाला असून, हे दर पाहिल्यानंतर मात्र वाहन चालकांमध्ये तीव्र प्रतिक्रिया उमटायला लागल्या आहेत. (sakri-petrol-pump-petrol-price-hundred-rupees-cross)
गेल्या काही दिवसांपासून पेट्रोल डिझेलच्या दरात सातत्याने वाढ होते आहे. मध्यंतरी पाच राज्यांच्या विधानसभा निवडणुकांच्या दरम्यान पेट्रोल डिझेलचे दर स्थिर राहिल्याने सर्वसामान्यांना काहीसा दिलासा मिळाला होता, मात्र निवडणूक निकाल संपल्यानंतर मात्र पुन्हा पेट्रोल डिझेलच्या दरात वाढ व्हायला लागली. गेल्या आठवडाभरापासून येथील पेट्रोल पंपांवर (Sakri petrol pump) पेट्रोल शंभरच्या उंबरठ्यावर पोचले होते. सोमवारी (ता.२४) सायंकाळी पेट्रोलचा दर ९९.८८ इतका होता. यात आज देखील दरवाढ झाल्याने हा दर शंभर रुपये १० पैसे इतका झाला असून डिझेल देखील ९० रुपये ५६ पैसे इतके झाले आहे.
वाहन चालकांमध्ये नाराजी
पेट्रोलची शंभरी पार झाल्याने व डिझेल देखील लवकरच शंभरी गाठण्याची शक्यता दिसू लागल्याने वाहन चालकांमध्ये मात्र मोठी नाराजी दिसून येते आहे. आधीच कोरोनाचे संकट, त्यात लागलेला लॉकडाऊन यामुळे मेटाकुटीला आलेले सर्वसामान्यांचे अर्थकारण इंधनाच्या वाढत्या दारांनी मात्र पूर्त कोलमडणार आहे.
लोकांना अच्छे दिनचे स्वप्न दाखवत स्थापन झालेले विद्यमान केंद्र सरकार लोकांचे अच्छे दिन मात्र हिरावून घेत आहे. पूर्वी पेट्रोल-डिझेलच्या किंमती थोड्या फार वाढल्या तरी आकांड-तांडव करणारे आज मात्र मूग गिळून गप्प बसले आहेत. यातून सर्वसामान्यांना मात्र आर्थिक संकटाचा सामना करावा लागत असून इंधनाचे दर कमी करणे आवश्यक बनले आहे.
- सचिन सोनवणे, शहराध्यक्ष काँग्रेस, साक्री
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
