नंदुरबार : हवामान खात्याने वर्तविलेल्या अंदाजानुसार काही भागांत शनिवारी, तर काही भागांत आज (ता. १६) वादळासह पाऊस झाला. त्यात वादळामुळे (Storm) ग्रामीण भागात केळी, पपई पिकांचे नुकसान झाले, तर काही ठिकाणी घराचे पत्रे उडून गेले. पाऊस मात्र किरकोळ स्वरूपाचा झाला. त्यामुळे शेतकऱ्यांची मात्र चांगलीच दमछाक झाली. (nandurbar news rain with storm in nandurbar area)
हवामान विभागाने केरळचे वादळ मंबई व गुजरातमध्ये येईल, असा अंदाज वर्तविला होता. नंदुरबार जिल्हा गुजरातलगत असल्याने त्याचे पडसाद नंदुरबार जिल्ह्यातही उमटले. शनिवारी (ता. १५) दिवसभर ऊन-सावलीचा खेळ सुरू होता. सकाळी तप्त ऊन व नंतर उकाडा सुरू होता. त्यानंतर रात्री शहादा तालुक्यातील काही गावांमध्ये जोरदार वादळ आले. त्यात घरांच्या छताचे पत्रे उडाले होते, तर काही ठिकाणी केळी, पपईची झाडे उन्मळून पडून नुकसान झाले.
ऊन– सावलीचा खेळ
आजही दुपारी अचानक ऊन-सावलीचा खेळ सुरू होऊन भयंकर उकाडा होत असतानाच अडीचच्या सुमारास जोरदार वादळासह काही भागात जोरदार पाऊस झाला, तर काही ठिकाणी किरकोळ स्वरूपाच्या सरी कोसळल्या. नंदुरबार तालुक्याचा पश्चिम भागतील कोठली, नटावद परिसरात जोरदार वादळ व पाऊस झाला. त्यामुळे उन्हाळी ज्वारी, मका काढणीला आलेल्या शेतकऱ्यांची चांगलीच धावपळ उडाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
