शिवसेना काढणार प्रत्येक कुटूंबप्रमुखाचा विमा

तळोदा (नंदुरबार) : येथील शहर शिवसेनेकडून (Taloda shiv sena) शहरातील प्रत्येक कुटुंबप्रमुखाच्या विमा काढला जाणार असून पंतप्रधान जीवन ज्योती योजनेत (Prime Minister's Jeevan Jyoti Yojana) राष्ट्रीयकृत बँकेत बचत खाते असलेल्या प्रत्येक कुटुंब प्रमुखास हा लाभ मिळवून देण्याचा निर्धार शहर शिवसेनेकडून करण्यात आला आहे. त्यामुळे या योजनेच्या लाभ घेण्याचे आवाहन शहरप्रमुख जितेंद्र दुबे यांनी केले आहे. (nandurbar-news-Shiv-Sena-will-take- insurance-for-every-family-head)

शहरात कोरोना या जागतीक महामारीत अनेक कुटुंबांनी आपल्या कुटुंबातील कर्ते पुरुष अथवा महिलेला गमावले आहे. कर्त्या पुरुष अथवा महिलेला अकाली गमावल्यानंतर त्या कुटुंबाचे प्रचंड हाल देखील होत असतात. कुटुंबातील प्रमुख पुरुषाची किंवा महिलेची जागा कोणीही भरून काढू शकत नाही याची जाणीव ठेवून नागरिकांचा हा विमा काढला जाणार आहे.

शनिवारपासून सुरवात

त्यात कुटुंब प्रमुखांचा विमा काढला तर त्या कुटुंबाला भविष्यात आधार मिळेल. या हेतूने शहरातील प्रत्येक कुटुंबप्रमुखाचा पंतप्रधान जीवन ज्योती विमा योजनेत शिवसेनेचा स्वखर्चाने काढून देण्याच्या योजनेचा शुभारंभ खानदेशी गल्ली तळोदा येथे शनिवार १९ जूनपासून करण्यात येणार आहे.

हे कागदपत्र आवश्‍यक

संबंधीताचे राष्ट्रीयकृत बँकेत बचत खाते असलेल्या पासबुकची छायांकित प्रत, ज्याच्या नावे विमा काढावयाच्या आहे; त्या कुटुंब प्रमुखाचे आधार कार्डची प्रत व विम्यासाठी वारसदार नोंदवण्यासाठी वारसदाराचे आधार कार्डची प्रत घेऊन या योजनेच्या लाभ शहरातील नागरिकांना मिळवून देण्यासाठी कटिबद्ध असल्याचा निर्धार शिवसेनेचे शहर प्रमुख जितेंद्र दुबे यांनी केला आहे.