ऊजैनवरून परतणाऱ्या भाविकांच्या गाडीचा अपघात; दोन जणांचा मृत्यू

जळगाव - श्रावण महिन्याच्या पहिल्या सोमवारी उजैन (Ujain) येथे भगवान शंकाराचे दर्शन घेवून सुरतकडे (Surat) घरी परतणाऱ्या भाविकांच्या गाडीला दोंडाईचा- शिंदखेडा रस्त्यावरील बाम्हणे गावाजवळ भिषण अपघात (Accident) झाला. या घटनेत दोन जणांचा मृत्यू तर सहा जण जखणी झाल्याची माहिती समोर येत आहे. श्रावण महिन्याच्या पहिल्याच सोमवारी उज्जैन येथून दर्शन घेऊन येणाऱ्या भाविकांवर काळाचा घाला झाल्यामुळे परिसरात हळहळ व्यक्त केली जात आहे.

दोंडाईचा-शिंदेखेडा रस्त्यावरील सात किलोमिटर अंतरावरील बाह्मणे गावाजवळ आज सकाळी पहाटे पाच वाजता मध्यप्रदेश कडून उजैन येथून भावीकांची व्हॅन सुरतकडे जात होती. यावेळी शिंदखेड्या कडून येणाऱ्या भाजीपाला घेवून जाणारी पिकअप गाडीची उजैन कडून येणाऱ्या या गाडीची समोरा समोर जोरदार धडक झाली. या घटनेत भाजीपाला गाडीचा चालक तर भाविकांच्या गाडीतील एकाचा मृत्यू झाला आहे. तर सहा जण जखमी आहे.

नागरिकांचे मदतकार्य

बाम्हणे गावातील नागरिकांना घटनेची माहिती मिळताच मदतीसाठी घटनास्थळी धाव घेतली. जखमींना तातडीने बाहेर काढण्याचे काम नागरिकांनी सुरू केले. तर पोलीस प्रशासनाला घटनेची माहिती नागरिकांनी दिली. पोलिस अधिकारी व कर्मचारी तात्काळ घटनास्थळी दाखल झाले होते.

धुळे, नंदुरबारला जखमींवर उपचार

अपघातात भाविकांच्या गाडीलातील सर्व जखमी झाले असून तीन जणांना तातडीने धुळे येथील जिल्हा रुग्णालयात तर तीन जणांना नंदुरबार येथील शासकीय रुग्णालयात उपचारासाठी दाखल करण्यात आले. तर मृत झालेल्या व्यक्तिचे उपजिल्हा रुग्णालयात शवविच्छेदन साठी पाठविण्यात आले.