तऱ्हाडी : यंदा शिरपूर तालुक्यासह जिल्ह्यात पावसाने (Rain) सुरवातीला टप्प्याटप्प्याने काही भागांत हजेरी लावल्याने खरीप पिकांची पेरणीही (Sowing of kharif crops) त्याचप्रमाणे झाली होती. दरम्यान, पावसाने तीन आठवड्यांपासून दडी मारल्याने या काळात कडक उन्हाचे चटके जाणवत होते. मात्र बुधवारी (ता.१८) मघा नक्षत्रात (Magha Nakshatra) पहिल्याच दिवशी तऱ्हाडी, ममाणे, अभानपूर, जवखेडा, भटाणे, जळोद, भामपूर परिसरात पावसाने हजेरी लावल्याने पिकांना नवसंजीवनी मिळाली आहे.
अनेक दिवसांपासून बळीराजा हवालदिल होऊन आभाळाकडे डोळे लावून बसला होता. शिरपूर पश्चिम भागात तऱ्हाडी परिसरात पावसाने हजेरी लावल्याने शेतकऱ्यांना काही प्रमाणात दिलासा मिळाला असून, या पावसामुळे खरिपाची पिके तरली असून, शेतकरी अजूनही मोठ्या आणि दमदार पावसाची प्रतीक्षा करत आहेत. तब्बल वीस दिवसांपासून गायब असलेल्या पावसामुळे पिकांनी माना टाकण्यास सुरवात केली होती. त्यामुळे मोठ्या प्रमाणात केलेला खर्च वाया जातो की काय, अशी शक्यता निर्माण झाली होती. परंतु मंगळवारी तीन-चारला ढगाळ वातावरण निर्माण होऊन पाचच्या दरम्यान पाऊस झाल्यामुळे पिकांना जीवदान मिळाले.
बळीराजाला आधार
शिरपूर तालुक्यात काही दिवसांपासून पावसाने दडी मारल्याने दिवसा कडक उन्हाचे चटके, तर रात्री गार वारे यामुळे शेतकरीराजा चिंतेत होता. परंतु, मंगळवारी तीन-चारला तालुक्याच्या पश्चिम भागात पावसाला सुरवात झाल्याने बळीराजाला आधार मिळाला. मात्र उर्वरित तालुक्यात अजूनही बळीराजाला पावसाची प्रतीक्षा आहे. हवामान अभ्यासक पंजाब डख यांनी १६ ते २४ ऑगस्टदरम्यान धुळे जिल्ह्यात चांगल्या पावसाचे संकेत दिले होते. ते आज खरे ठरत असून, शेतकरी सुखावला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
