निवृत्तीच्या दिवशी सेवा उपदानाची रक्कम

दोंडाईचा (धुळे) : येथील पालिकेची स्थापना १९५२ मध्ये झाली. तेव्हापासून (Dindaicha palika) आजपर्यंत अनेक कर्मचारी निवृत्त झाले. मात्र, निवृत्तीच्या दिवशीच कर्मचाऱ्यांना सेवा उपदानाची आणि पीएफची रक्कम देण्याचा स्तुत्य निर्णय माजी मंत्री तथा आमदार जयकुमार रावल (MLA Jayakumar rawal) आणि नगराध्यक्षा नयनकुवरताई रावल यांनी घेतला आहे. (dondaicha-palika-retirement-days-cash-distribute-in-retire-staff)

पालिकेत ३१ मेस निवृत्त झालेल्या रोखपाल अब्दुल गनी शेख, सोमनाथ बोरसे, रमेश मोहिते, सलीम शेख, नंदू शर्मा, जगदीश सोनार, कलाबाई देवरे या सात कर्मचाऱ्यांना प्रत्येकी ३० हजारांची सेवा उपदान व पीएफचा निधी देऊन सत्कार करण्यात आला. आमदार रावल, नगराध्यक्षा सौ. रावल, उपनगराध्यक्ष नबू पिंजारी, गटनेता करणसिंह देशमुख, रवी उपाध्ये, मुख्याधिकारी डॉ. प्रवीण निकम, माजी नगरसेवक जितू गिरासे, बांधकाम सभापती निखिल राजपूत, राजेश जाधव, रवी जाधव, कृष्णा नगराळे, जितेंद्र गिरासे, किशनचंद दोधेजा, नगरसेवक, कर्मचारी संघटनेचे अध्यक्ष रघुनाथ बैसाणे उपस्थित होते.

यापुढेही सेवानिवृत्‍तीच्‍याच दिवशी रक्‍कम

आमदार रावल म्हणाले, की दोंडाईचा शहराचा इतिहास ज्ञात असलेले कर्तव्यदक्ष सात अधिकारी आणि कर्मचारी निवृत्त झाल्याने कामकाजात पोकळी निर्माण होणार आहे. नव्याने नियुक्त झालेल्या कर्मचाऱ्यांनी निवृत्त कर्मचाऱ्यांच्या अनुभवाचा फायदा करून घ्यावा. निवृत्त होणाऱ्या कर्मचाऱ्यांना त्यांच्या हक्काच्या सेवा उपदान व इतर रकमा तातडीने मिळतील, यासाठी पालिकेने प्रयत्नशील राहावे.