नागपुर-सुरत महामार्गावर अठरा लाखाची बियर पकडली

नवापूर : विसरवाडी (ता. नवापूर ) पोलिसांनी (visarwadi police) शुक्रवारी (ता. १८) रात्री साडेअकराच्या सुमारास अठरा लाखाची विदेशी बियर (Beer) पकडली. मध्यप्रदेश (Madhya Pradesh) मधून कर चुकवत अठरा लाखाची विदेशी बिअर (दारु) मालट्रकसह गैरफायदा विना परवाना भरून ती गुजरात (Gujarat) राज्यात अवैधरीत्या वाहतूक करताना मिळुन आली. विसरवाडी पोलिस ठाण्यात महाराष्ट्र दारूबंदी अधिनियम कलम प्रमाणे गुन्हा दाखल करण्यात आला आहे. (police caught a beer transporting illegally)

उपविभागीय पोलिस अधिकारी सचिन हिरे यांनी दिलेल्या सूचनेनुसार मध्यप्रदेशकडुन गुजरात राज्यात (एमएच १९, सी वाय २४०३) या क्रमांकाच्या टाटा अल्ट्रा ट्रकमध्ये विदेशी बिअर विना पास परमीट वाहतूक होत असल्याची माहिती मिळाली.

मका सांगितला आणि निघाली बिअर

विसरवाडी पोलिस अधिकारी व कर्मचारी नवापूरकडे जाणाऱ्या नागपुर- सुरत राष्ट्रीय महामार्गावर महालक्ष्मी हॉटेल समोर रस्त्यावर वाहने चेक करीत असताना रात्री साडेअकराच्या सुमारास विसरवाडीकडुन ट्रक (एमएच १९, सी वाय २४०३) येताना दिसली. ट्रकला गाडीच्या दोन्ही चालकांना विचारपूस केली. रामकृष्ण पंडीत पाटील (वय-२६ , रा. वराड, ता. धरणगाव) व सुनील श्रीराम पाटील (वय ४०, रा. बोराडी ता. शिरपुर) या दोन्ही चालकांनी ट्रकमध्ये मकी असल्याचे सांगीतले. उडवाउडवीची उत्तरे दिल्याने गाडीला बांधलेली ताडपत्री उघडली असता मालट्रकमध्ये विदेशी बिअरचे खोके आढळुन आले.