Dhule Crime News : मोटारसायकल, मोबाईलचोर दोंडाईचा पोलिसांच्या ताब्यात

Dhule Crime News : दोंडाईचा येथील योगिता रवींद्र नेतले यांच्या किराणा दुकानावरून ३१ मार्चला सायंकाळी विवो कंपनीचा मोबाईल चोरीस गेला होता. (Motorcycle mobile thief arrested by Dondaicha police dhule crime news)

मोबाईल चोरी करणारा योगेश शिवराज वाडिले (वय ३४, रा. रंजाने, ता. शिंदखेडा) पोलिसांच्या ताब्यात असून, अटक करण्यात येऊन त्याच्याकडून मोबाईल हस्तगत करण्यात आला आहे.

दोंडाईचा पोलिस ठाणे हद्दीत घडलेल्या दुसऱ्या घटनेत कन्हय्यालाल लोटन भिल (रा. खोकराळे, ता.जि. नंदुरबार यांची २० हजार रुपये किमतीची हीरो होंडा स्लेंडर मोटारसायकल (एमएच १८, पी ३८१५) दोंडाईचा बस स्टँडसमोरील हॉटेल नानासमोरून चोरीस गेली होती.

चोरटा विजय नारायण भिल (वय २५, रा. चिलाणे, ता. शिंदखेडा, जि. धुळे) याला अटक झाली असून, दोंडाईचा पोलिसांनी त्याच्याकडून चोरीतील मोटारसायकल हस्तगत केली आहे.

वरील कामगिरी पोलिस अधीक्षक संजय बारकुंड, अपर पोलिस अधीक्षक किशोर काळे, उपविभागीय पोलिस अधिकारी शिरपूर विभाग शिरपूर अन्साराम आगरकर यांच्या मार्गदर्शनाखाली दोंडाईचा पोलिस ठाण्याचे निरीक्षक श्रीराम पवार यांच्या नेतृत्वाखाली संदीप कदम, अनारसिंग पवार, प्रवीण निंबाळे, प्रेमराज पाटील, अनिल धनगर यांनी केली. या चोरट्यांकडून आणखी इतर चोरीचे गुन्हे उघडकीस आणण्याचे दोंडाईचा पोलिसांचे प्रयत्न सुरू असून, त्यानुसार तपास सुरू आहे.