Nandurbar Crime News : नंदूरबार पोलिसांतर्फे अजामीनपात्र 44 संशयितांना अटक

Nandurbar Crime : पोलिस अधीक्षक श्रवण दत्त एस. यांचे मार्गदर्शनाखाली जिल्ह्यात पोलिस ठाण्यात चालू असलेल्या विविध केसेसमधील संशयित यांना समन्स बजावणीची मोहीम सुरु असताना पोलिस ठाण्यातर्फे अजामीनपात्र वॉरंटमधील एकूण ४४ जणांना पोलिसांकडून अटक करण्यात आली आहे. त्यामध्ये न्यायालयाने यापूर्वी समन्स काढले होते. लोकसभा निवडणुकीच्या पाश्‍र्वभूमीवर जिल्हा पोलिस अधीक्षक श्रवण दत्त एस. यांच्याकडून जिल्ह्यातील काही संशयित यांना समन्स बजाविली जात आहे.

यात काही संशयित यांना समन्स बजावूनही न्यायालयात हजर न राहिल्याने त्यांचे जामीनपात्र वॉरंट काढण्यात आले होते. जामीनपात्र वॉरंटची देखील बजावणी पोलिस ठाण्यांमार्फतीने करण्यात आली होती.

परंतु जामीनपात्र वॉरंट काढूनही काही लोक गैरहजर राहिल्याने त्यांना न्यायालयाचे आदेशान्वये एकूण ४४ जणांना विविध पोलिस ठाण्यांमार्फतीने अटक करून न्यायालयात हजर करण्यात आले आहे. जिल्हा पोलिस अधीक्षक श्रवण दत्त एस., अपर पोलिस अधीक्षक नीलेश तांबे, उपविभागीय पोलिस अधिकारी, संजय महाजन.

उपविभागीय पोलिस अधिकारी सदाशिव वाघमारे, दत्ता पवार यांच्या सूचना व मार्गदर्शनाखाली सर्व पोलिस ठाणे कर्मचाऱ्यांनी केली.

"न्यायालयामध्ये आपल्या चालू असलेल्या केसेस बाबत समन्स, जामीनपात्र वॉरंटमध्ये वेळोवेळी हजर राहून न्यायालयातून वॉरंट रद्द करून घ्यावे, जेणेकरून अजामीनपात्र वॉरंटमुळे होणारी अटकेची कारवाई टाळता येईल. तसेच यापुढेदेखील अशा प्रकारची कारवाई जिल्हा पोलिस दलातर्फे सुरु राहील." - श्रवण दत्त एस. पोलिस अधीक्षक, नंदूरबार