Nandurbar Lok Sabha Election : नंदुरबार लोकसभा मतदारसंघातील महायुतीच्या उमेदवार डॉ. हीना विजयकुमार गावित यांच्या प्रचारार्थ १० मेस पंतप्रधान नरेंद्र मोदी यांची जाहीर सभा होईल. भारतीय जनता पक्षाचे प्रदेशाध्यक्ष चंद्रशेखर बावनकुळे यांनी आज येथे ही माहिती दिली. श्री. बावनकुळे व भाजपचे प्रदेश महामंत्री विजय चौधरी यांच्या उपस्थितीत बाबा रिसॉर्ट येथे मतदारसंघातील निवडक पदाधिकाऱ्यांची बैठक झाली. (Prime Minister Modi meeting in Nandurbar on 10 may )
त्यानंतर त्यांनी पत्रकारांशी संवाद साधला. पंतप्रधान मोदी यांची नंदुरबारमधील चौथी सभा, तर डॉ. हीना गावित यांच्या प्रचारासाठी होणारी तिसरी जाहीर सभा असेल. नंदुरबार शहरालगतच्या धुळे रोडवरील मैदानावर ही सभा पार पडेल. गेल्या वेळेपेक्षा ‘रेकॉर्ड ब्रेक’ उपस्थिती राहील, असा विश्वास मंत्री डॉ. विजयकुमार गावित व उमेदवार डॉ. हीना गावित यांनी व्यक्त केला. (latest marathi news)
ते म्हणाले, की दौऱ्याची पूर्वतयारी सुरू झाली आहे, त्यासाठी प्रत्येक तालुक्यातील पदाधिकारी आणि जिल्हा कार्यकारिणीतील पदाधिकाऱ्यांच्या उपस्थितीत बैठका पार पडणे, जबाबदारीचे वाटप करणे सुरू झाले आहे. जिल्हा परिषदेच्या अध्यक्षा डॉ. सुप्रिया गावित, शहाद्याचे आमदार राजेश पाडवी, शिरपूरचे आमदार काशीराम पावरा, भाजपचे धुळे जिल्हाध्यक्ष बबन चौधरी, लोकसभा प्रभारी तुषार रंधे, नंदुरबार जिल्हाध्यक्ष नीलेश माळी आदी बैठकीला उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
