Dhule News : नाशिकचा तरुण धुळ्यात मृतावस्थेत

Dhule News : येथील देवपूरमधील एका हॉटेलात नाशिक येथील तरुणाचा नग्नावस्थेत मृतदेह आढळून आला. अमेय नंदकिशोर वैद्य (वय ३५, रा. सिद्धी एन्क्लेव, योगेश्वर कॉलनी, हॉटेल सूर्यामागे, इंदिरानगर, सिडको, नाशिक) असे त्याचे नाव आहे.(Nashik youth dead in dhule news)

देवपूरमधील महामार्गालगत एका हॉटेलमध्ये ऑनलाइन बुकिंगद्वारे अमेय वैद्य आला होता. तो खोली क्रमांक ४०७ मध्ये मुक्कामी होता. मंगळवारी (ता. १२) सायंकाळी सातच्या सुमारास तो खाली उतरला. नंतर त्याच्या भेटीसाठी आलेल्या मित्रांसोबत तो जवळच रेस्टॉरंटमध्ये गेला.

रात्री साडेनऊच्या सुमारास त्याने जेवणाचे बिल दिले, त्यानंतर तो खोलीत गेला. त्या वेळी त्याचा मित्र विजय मगर याचा हॉटेलवर फोन आला. त्याने अमेय फोन उचलत नसल्याने त्याचे कुटुंबीय चिंतेत आहे, त्याला उठवा, असा निरोप दिला.

हॉटेलमधील वेटर मंजित व इतरांनी आवाज देऊनही अमेय याच्याकडून प्रतिसाद मिळाला नाही. त्यामुळे पोलिसांना बोलावण्यात आले. दार उघडले असता अमेय हा नग्नावस्थेत मृत आढळला. याबाबत देवपूर पोलिस ठाण्यात आकस्मिक मृत्यूची नोंद झाली.