नाशिक : ग्रामीण भागाच्‍या तुलनेत आता नाशिक शहरातही नव्‍याने आढळणाऱ्या कोरोना (Corona) बाधितांची संख्या वाढते आहे. रविवारी (ता. २६) जिल्ह्यात शंभर रुग्‍णांचे कोरोना अहवाल पॉझिटिव्‍ह आले. तर, ११३ रुग्‍णांनी कोरोनावर मात केली असून, एका बाधिताचा उपचारादरम्‍यान मृत्‍यू झाला. सद्यःस्‍थितीत जिल्ह्यात एक हजार ००६ बाधितांवर उपचार सुरु आहेत.
प्रलंबित अहवालांची घटली संख्या
रविवारी नव्‍याने आढळलेल्‍या कोरोना बाधितांमध्ये नाशिक ग्रामीणमधील ५१, नाशिक शहरातील ४३, मालेगावचे दोन, तर जिल्‍हाबाहेरील चौघांचा समावेश आहे. दिवसभरात उपचारादरम्‍यान एका बाधिताच्‍या मृत्‍यूची नोंद असून, हा रूग्ण नाशिक ग्रामीण क्षेत्रातील होता. ११३ रुग्‍णांनी कोरोनावर मात केली आहे. प्रलंबित अहवालांची संख्या घटली असून, सायंकाळी उशीरापर्यंत २२० रुग्‍णांना अहवालाची प्रतीक्षा होती. यापैकी नाशिक शहरातील १७०, नाशिक ग्रामीणमधील ३८, तर मालेगावच्‍या बारा रुग्‍णांचे अहवाल प्रलंबित होते. जिल्‍हाभरातील रुग्‍णालये व गृहविलगीकरणात ८११ रुग्‍ण दाखल झाले. यापैकी ७९४ रुग्‍ण हे नाशिक महापालिका क्षेत्रातील होते. जिल्‍हा रुग्‍णालयात सहा रुग्‍ण दाखल झाले. नाशिक ग्रामीणमधील सहा, तर मालेगावच्‍या पाच रुग्‍णांचा संशयितांमध्ये समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
