Nashik Crime: इंदिरानगरमधून 12 गायींची सुटका

वडाळा : मुमताज नगरमध्ये लष्कराच्या संरक्षण भिंतीला लागून असलेल्या पत्राच्या शेडवर शुक्रवारी (ता.५) सकाळी छापा टाकून पोलिसांनी कत्तलीच्या इराद्याने आणलेल्या १२ गोवंशांची सुटका केली.

याप्रकरणी कयूम रशीद शेख ऊर्फ बबलू कुरेशी, नासिर कयूम शेख यांच्यासह ७ ते ८ साथीदारांवर गुन्हा दाखल केला आहे. (12 cows rescued from Indiranagar Nashik Crime)

यात सुमारे १ लाख ३५ हजार रुपये किमतीच्या सात गायी आणि पाच गोऱ्ह्यांचा समावेश आहे. या व्यतिरिक्त जनावरांचे मांसही मिळून आले. कारवाईत दोन चारचाकी, दुचाकी, लोखंडी धारदार पाते, कुऱ्हाड, लोखंडी टोचे आदी मुद्देमाल जप्त करण्यात आला.

वरिष्ठ पोलिस निरीक्षक नितीन पगार, पोलिस हवालदार महेश पारनकर, मन्सूर शेख, प्रवीण पगारे, शाळिग्राम झिरवाळ, सागर परदेशी, जावेद खान, अमजद पटेल, दीपक पाटील, भागवत शिर्के, राजाराम बाळनोथ, वसंत ढगे, प्रकाश नागरे, विशाल पाठक यांनी ही कारवाई केली.