जुने नाशिक : भद्रकाली पोलिसांकडून मोबाईल चोरास अटक करून १२ मोबाईल हस्तगत केले. इम्रान हनीफ पठाण (२९, रा. विनयनगर) असे संशयिताचे नाव आहे. भागचंद लद्धड यांच्या तक्रारीवरून शनिवारी (ता. ५) मोबाईल चोरीचा भद्रकाली पोलिस ठाण्यात गुन्हा दाखल करण्यात आला होता.
भद्रकाली गुन्हे शोध पथकाचे संदीप शेळके आणि विशाल काठे यांना संशयित इम्रान पठाण अमरधाम रोड शितळादेवी मंदिर परिसरात येत असल्याची माहिती मिळाली. (12 mobile phones seized from thief Nashik Crime News)
हेही वाचा : तुमच्याकडं कागदी स्वरुपातले शेअर आहेत? मग हे वाचाच....
वरिष्ठ पोलिस निरीक्षक दत्ता पवार, निरीक्षक गुन्हे दिलीप ठाकूर यांच्या मार्गदर्शनाखाली पथकाचे सहाय्यक निरीक्षक किशोर खांडवी, उपनिरीक्षक भूषण देवरे, कर्मचारी संदीप शेळके, विशाल काठे, श्यामकांत पाटील, संजय पोटिंदे यांनी सापळा रचत संशयितास ताब्यात घेतले. त्याची अधिक चौकशी केली असता, त्याने गुन्ह्याची कबुली दिली.
न्यायालयात हजर केले असता, पोलिस कोठडी सुनावण्यात आली. कोठडी दरम्यान त्याची अधिक चौकशी केली त्यात त्याने अन्य विविध ठिकाणी मोबाईल चोरी केल्याची कबुली दिली. पोलिसांनी त्याच्याकडून सुमारे ५० हजार रुपये किमतीचे १२ मोबाईल हस्तगत केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
