Nashik Bribe Crime : क्रेडिट सोसायटीच्या नियमानुसार कर्ज न भरलेल्या सभासदांचे घर लिलाव विक्रीच्या आदेशाविरोधात दाखल याचिकेचा निकाल तक्रारदाराच्या बाजूने देण्याच्या मोबदल्यात पाच लाखांची लाच मागणाऱ्या सहकार विभागातील दोघांची न्यायालयाने नाशिक रोड मध्यवर्ती कारागृहात रवानगी केली. (2 Bribes in Cooperative Department Jail nashik crime news)
सहकार अधिकारी भीमराव ऊर्फ भूषण यशवंत जाधव (वय ४५) व सहाय्यक सहकार अधिकारी अनिल नथुजी घरडे (५२) अशी दोघा लाचखोर अधिकाऱ्यांची नावे आहेत. दोघा संशयित लाचखोर अधिकाऱ्यांनी डिसेंबर २०२३ मध्ये तक्रारदाराकडे लाचेची मागणी केली होती.
सोसायटी नियमानुसार सभासदांनी कर्ज न भरल्यास त्याच्या घराचा लिलाव केला जातो. या लिलाव विक्रीच्या आदेशाविरोधात तक्रारदाराने विभागीय सहनिबंधक कार्यालयात अर्ज केला असता, तक्रारदाराच्या बाजूने निकाल देण्याच्या मोबदल्यात सहकार अधिकारी भीमराव जाधव, सहाय्यक सहकार अधिकारी अनिल घरडे यांनी सहा लाखांच्या लाचेची मागणी केली होती.
तक्रारीनुसार लाचलुचपत प्रतिबंधक विभागाने सापळा रचत दोन्ही संशयितांनी तडजोडीअंती पाच लाखांची लाच मागितली. त्यानंतर लाचलुचपत प्रतिबंधक विभागाने बुधवारी (ता. ३१) रात्री मुंबई नाका पोलिस ठाण्यात दोघांविरोधात गुन्हा दाखल केला. दोघांना अटक करून न्यायालयात गुरुवारी (ता. १) हजर केले असता न्यायालयाने दोघांनाही न्यायालयीन कोठडी सुनावली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.