सिन्नर : सिन्नर तालुक्यात दोन कोरोना रुग्ण सापडले असून नागरिकांनी सतर्क राहण्याचे आवाहन आरोग्य विभागाने केले आहे.
सिन्नर शहरातील एक साठ वर्षीय वृद्ध तसेच तालुक्यातील ग्रामीण भागातील येथील 36 वर्षीय महिलेचा कोरोना तपासणी अहवाल पॉझिटिव्ह आला आहे.
दोन्ही रुग्णांना कोरोनाची सौम्य लक्षणे असल्याने घरीच उपचार सुरू करण्यात आले आहेत. (2 patients of Corona in rural areas including city Health Department calls for vigilance Nashik news)
सिन्नर तालुक्यामध्ये कोरोनाच्या नव्या व्हेरीएंटचा शिरकाव
सिन्नर शहरात कानडी मळा परिसरात राहणाऱ्या एका वृद्धाच्या आरटीपीसीआर चाचणीचा अहवाल पॉझिटिव्ह असल्याचे आढळून आले. सिन्नर शहरातील उपजिल्हा रुग्णालयात ही तपासणी करण्यात आली होती.
हा रुग्ण मूळचा घोटेवाडी येथील आसून सध्या सिन्नर शहरात वास्तव्यास आहे. तर दुसरा रुग्ण सुरेगाव येथील आहे. दोडी येथील ग्रामीण रुग्णालयात केलेल्या तपासणीत या रुग्णास कोरोनाची बाधा झाल्याचे निष्पन्न झाले.
या रुग्णांची लक्षणे सर्वसाधारण असून त्यांची प्रकृती सामान्य असल्याचे आरोग्य विभागाच्या सूत्रांकडून सांगण्यात आले. खबरदारी म्हणून या दोन्ही रुग्णांना क्वारंटाइन राहण्याचा सल्ला देण्यात आला आहे.
तालुका आरोग्य अधिकारी डॉ. मोहन बच्छाव उपजिल्हा रुग्णालयाचे अधीक्षक डॉ. वर्षा लहाडे यांनी तालुक्यातील आरोग्य यंत्रणेला सावधगिरी बाळगण्याच्या सूचना केल्या आहेत.
सध्या संपूर्ण तालुक्यात सर्दी खोकल्याची साथ असून नागरिकांनी तात्काळ योग्य वैद्यकीय उपचार घ्यावेत. असे आवाहन आरोग्य विभागाकडून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
