नाशिक : शहरात पावसापाठोपाठ आता साथीच्या आजारांच्या (Epidemic diseases) उद्रेक होण्याची भीती निर्माण झाली आहे. मागील पाच दिवसात डेंगी चार, स्वाईन फ्लू दोन, चिकूनगुनियाचा एक रुग्ण आढळून आल्याने पूरस्थितीनंतर आता वैद्यकीय विभागाची जबाबदारी वाढली आहे. (2 swine flu patients found in city Nashik Latest Marathi News)
शहरात कोरोना परिस्थिती गंभीर असल्याने इतर आजारांकडे नागरिकांचे लक्ष जात नव्हते. मात्र, कोरोना परिस्थिती नियंत्रणात आल्यानंतर डेंगी, चिकूनगुनिया, स्वाईन फ्लू या पारंपरिक आजारांनी डोके वर काढण्यास सुरवात केली आहे.
जुलै महिन्यात स्वाइन फ्लूच्या रुग्णांची संख्या दोन, डेंगीच्या रुग्णांची संख्या चार, तर चिकूनगुनियाचा एक रुग्ण सापडला आहे. पावसामुळे साथीचे आजार वाढण्याची शक्यता असल्याने डॉक्टरांचा सल्ला घेण्याचे आवाहन वैद्यकीय अधीक्षक डॉ. बापूसाहेब नागरगोजे यांनी केले आहे.
डेंगी, स्वाईन फ्लू व चिकूनगुनियाच्या लक्षणांमध्ये साम्य आढळून येत आहे. थंडी, ताप, सर्दी, खोकला, घसादुखी, अंगदुखी, मळमळ, उलटी, जुलाब, पोटदुखी ही सारखीच लक्षणे असल्याने नागरिकांनी अशा प्रकारची लक्षणे आढळल्यास तपासणी करून घेण्याचे आवाहन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
