Nashik Crime News : शहरातील कॅम्प पोलिस ठाणे कार्यक्षेत्रातील तीन कॅफे चालकांना येथील न्यायालयाने प्रत्येकी दोन हजार रुपये दंडाची शिक्षा सुनावली आहे.
नाशिक येथील एमडी ड्रग्ज प्रकरण उघडकीस आल्यानंतर पोलिस प्रशासन सतर्क झाले. (2 thousand rupees fine to cafe operators nashik crime news )
नाशिकचे पोलिस अधीक्षक शहाजी उमाप यांच्या आदेशाने शहरातील कॅफे चालकांची तपासणी करण्यात आली. या तपासणीत तिघा कॅफेंमध्ये काही तरुण, तरुणी असभ्य वर्तन करताना मिळून आले होते.
श्री. उमाप यांच्या आदेशानंतर अप्पर पोलिस अधीक्षक अनिकेत भारती, कॅम्प पोलिस ठाण्याचे निरीक्षक राजेंद्र भोसले आदींनी सहकारी व महापालिका अधिकाऱ्यांसह येथील कॅम्प भागातील सर्व कॅफे चालकांची तपासणी केली.
कॅफे चालकांनी संबंधित तरुण-तरुणींना असभ्य वर्तन करण्यासाठी खासगी जागा उपलब्ध करून दिल्याने त्यांच्यावर कॅम्प पोलिस ठाण्यात गुन्हा दाखल करण्यात आला होता.
न्यायालयाने कॅफे चालकांना प्रत्येकी दोन हजार दंड सुनावल्याचे कॅम्प पोलिस ठाण्याचे पोलिस निरीक्षक राजेंद्र भोसले यांनी कळविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
