![Fire at Main Road (File Photo)](http://media.assettype.com/esakal%2F2023-11%2F5adcaeb6-e92e-46ea-9a73-e0c0d03dddb1%2FNashik_E_Sakal___2023_11_18T115524_409.png?w=480&auto=format%2Ccompress&fit=max)
Fire Accident : दिवाळीत शहरात २० आगीच्या घटना घडल्या. त्यात फटाक्यांमुळे लागलेल्या आगीच्या १४ घटनांचा समावेश आहे. अन्य चार ठिकाणी शॉर्टसर्किटमुळे आग लागली होती. सर्वाधिक मुख्यालय परिक्षेत्रातील आठ, तर त्यापाठोपाठ पंचवटी भागात सात आगीच्या घटना घडल्या.
दिवाळीच्या पाच दिवसांत अग्निशमन विभागास सुमारे २५ कॉल झाले. रविवारी (ता. १२) सर्वाधिक आठ कॉल झाल्याने अग्निशमन विभागाचे अधिकारी, कर्मचाऱ्यांची मोठी धावपळ उडाली होती.
दिवाळीत फटाक्यांमुळे आग लागण्याच्या घटना घडत असतात. यंदाही दिवाळीच्या पाच दिवसांत तब्बल १४ ठिकाणी फटाक्यांमुळे आग लागण्याची घटना घडली आहे. काही ठिकाणी मोठे नुकसान झाले आहे. (20 fire incidents in city during Diwali nashik news)
सुदैवाने कुठलीही दुर्घटना घडली नाही. रविवार (ता. १२) सर्वाधिक फटाक्याने आग लागण्याच्या सात घटना घडल्या. शनिवारी तीन, तर सोमवारी चार अशा १४ घटना शहरात घडल्या. दरम्यान, शॉटसर्किटमुळे चार, तर अन्य दोन आग लागण्याच्या घटना आहेत.
एकीकडे सर्वजण दिवाळीचा आनंद साजरा करत फटाक्यांची आतषबाजी करत होते, तर दुसरीकडे अग्निशमन विभाग फटाक्यांपासून लागलेल्या आगीपासून नागरिकांचा बचाव करण्यासाठी तब्बल ३६ तास कार्यरत होते.
त्यांची सारखी धावपळ सुरू असल्याचे दिसून आले. कर्मचारीसंख्या अपुरी असल्याने उपस्थित असलेल्या कर्मचाऱ्यांना अतिरिक्त ड्यूटी करावी लागण्याची वेळ आली. तरीदेखील त्यांनी आपले कर्तव्य सुरू ठेवले. मेन रोड येथील कपड्याच्या दुकानास लागलेल्या आगीने कर्मचाऱ्यांची सर्वाधिक धावपळ उडाली होती.
याठिकाणी घडल्या घटना
- पंचवटी, हमालवाडी गवतास आग
- सिडको, चेतनानगर फ्लॅटला आग
- द्वारका परिसरात कचऱ्यास आग
- अशोका मार्ग, फ्लॅट गॅलरीत आग
- मेन रोड, धुमाळ पॉइंट दुकानास आग
- उपनगर, शांतीपार्क इलेक्ट्रिक वस्तूंना आग
- दिंडोरी रोड, पंचवटी मॉलला आग
- रवींद्र हायस्कूल शेडवरील कचऱ्यास आग
- मदिना चौक येथे कचऱ्यास आग
- रविवार कारंजा दुकानासमोरील मंडपास आग
- आठवले चेंबर्स येथील कचऱ्यास आग
- जिल्हा परिषद येथील वृक्षास आग
- पिनॅकल मॉल आग
- सिडको गॅरेजला आग
- पंचवटी डीपीजवळ आग
- पांडव लेणी कचऱ्यास आग
- बळी मंदिर येथे गवतास आग
- पंचवटी, एसटी वर्कशॉप गवतास आग
- पंचवटी पुष्ठा दुकानास आग
- सिडको, सद्गुरूनगर येथे झाडास आग
- टागोरनगर गॅलरीत आग
- तपोवन रोड येथे गवताच्या गंजीस आग
- इंद्रकुंड भागात डीपीसलागून आग
- खुटवडनगर येथे घरास आग
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.