नाशिक : साधारण वर्षभरापूर्वी सुरू झालेल्या देशातील पहिल्या किसान रेलला (kisan rail) जिल्ह्यातील शेतकऱ्यांकडून (farmers) भरभरून प्रतिसाद मिळत आहे. त्यामुळे नऊ बोगींची ही गाडी आता तब्बल २३ बोगींची होणार आहे. मनमाड येथून आठवड्यात सहावेळा, तर देवळाली कॅम्प व नाशिक रोड रेल्वेस्थानकाहून आठवड्यात तीन दिवस किसान रेल धावणार आहे. येत्या सोमवारी (ता. २३) खासदार हेमंत गोडसे यांच्या हस्ते या स्पेशल किसान रेलचा देवळाली कॅम्प येथून प्रारंभ होणार आहे.
किसान रेल आता तब्बल २३ बोगींची
कृषिप्रधान नाशिक जिल्ह्यातील शेतीमाल रेल्वेमार्गाने इतर राज्यांत पोचावा, यासाठी खासदार गोडसे तीन वर्षांपासून प्रयत्नशील होते. वर्षभरापूर्वी त्यांच्या प्रयत्नांना यश आले. तेव्हापासून आठवड्यातून एकदा देवळाली कॅम्प ते बिहारमधील दाणापूर या स्थानकांदरम्यान धावणारी देशातील पहिली किसान रेल सुरू झाली. त्यानंतर शेतकऱ्यांचा वाढता प्रतिसाद पाहून, आठवड्यातून तीन दिवस किसान रेल सुरू करण्यात आली. या किसान रेलला नऊ बोगी असून, नाशिक, मनमाड आणि देवळाली कॅम्प या रेल्वेस्थानकासाठी प्रत्येकी दोन बोगी शेतीमाल वाहतुकीसाठी वापरात येतात.
यापुढे किसान रेलला २३ बोगी असतील. त्या माध्यमातून रोज जवळपास पाचशे टन शेतमाल परराज्यांत जाणार आहे. तसेच, सांगोला (जि. सोलापूर) येथून येणारी किसान रेल मनमाडमार्गे जाणार असल्याने मनमाड येथील शेतकऱ्यांना आठवड्यातून सहा दिवस या गाडीचा लाभ मिळणार आहे. २३ बोगींपैकी मनमाड, देवळाली कॅम्प आणि नाशिक रोडसाठी प्रत्येकी सहा बोगी शेतीमाल वाहतुकीसाठी मिळणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
