Mumbai- Agra Highway गोंदे फाट्यावर ट्रक अपघातात 3 जखमी

वाडीवऱ्हे (जि. नाशिक) : मुंबई-आग्रा महामार्गावरील गोंदे दुमाला फाट्यावर सोमवारी (ता. ५) पहाटे ट्रक उलटून तीन जण जखमी झाले. (3 injured in truck accident on MumbaiAgra Highway Gonde Phata Nashik Latest Marathi News)

नाशिककडून मुंबईकडे जाणारा लोखंडाने भरलेला ट्रक (एमएच ४६, एफ ६२०५) समसोनाइट कंपनीजवळ स्टेरिंगरॉड तुटल्याने ट्रकवरील चालकाचा ताबा सुटला. ट्रक खड्ड्यात जाऊन उलटला. या अपघातात ओम प्रकाशसिंग (वय २८), रफिक रहीम खान (वय ४५), दिलीपकुमार सिंग (वय ३९, रा. उत्तर प्रदेश) हे तिघे जखमी झाले आहेत.

अपघाताची माहिती मिळताच गोंदे फाट्यावर महामार्गावरील अपघातग्रस्तांच्या सेवेसाठी २४ तास विनामूल्य सेवा देणाऱ्या नरेंद्र महाराज संस्थेची रुग्ण्वाहिकाचालक निवृत्ती पाटील गुंड त्वरित घटनास्थळी दाखल झाले. त्यांनी अपघातातील जखमींना घोटी ग्रामीण रुग्णालयात दाखल केले.