नाशिक रोड : जेलरोड परिसरातील नारायण बापू चौक जवळ विठ्ठल मंगल कार्यालयासमोर स्वयंपाक गॅसचा स्फोट झाल्याने परिसरात एकच खळबळ उडाली. यात एक महिला व तीन मुले जखमी झाले आहे. (4 injured in cooking gas explosion Nashik News )
पूजा लोखंडे यांचे भाडोत्री रोशनी सोलंकी यांच्या घरात गॅसचा स्फोट झाला. सकाळी स्वयंपाक करत असताना हा स्फोट झाल्याची माहिती शेजारी राहणाऱ्या नागरिकांनी दिली. जखमींना उपचारासाठी नाशिकरोड येथील बिटको हॉस्पिटल येथे दाखल केले.
त्यानंतर पुढील उपचारासाठी जखमींना जिल्हा शासकीय रुग्णालयात दाखल करण्यात आले. स्फोटामध्ये रोशनी सोलंकी व तिचे तीन मुले प्रज्ज्वल, छकुली, आर्यन, जखमी झाले.
अग्निशामक दलाचे अधिकारी व कर्मचारी सुभाष निकम, शांताराम गायकवाड, रामदास काळे, मनोज साळवे, श्रीकांत नागपुरे, अशोक मिलमणी घटनास्थळी दाखल झाले. त्यांनी परिस्थिती नियंत्रणात आणली. या घटनेत घराचे छतावरील पत्रे उडाले व संसारोपयोगी साहित्याचे नुकसान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
