नाशिक रोड : उपकंत्राटदार म्हणून काम देण्याची लालूच दाखवत नाशिक रोडच्या एकाची ४७ लाखांची फसवणूक केल्याप्रकरणी कोर्टाच्या आदेशानुसार उपनगर पोलिस ठाण्यात गुन्हा दाखल करण्यात आला आहे. राजू बबन काकड (रा. प्रभा आनंद संकुल, धोंगडे मळा), असे तक्रारदाराचे नाव आहे. त्यांनी आपल्या आर्थिक फसवणूकीबाबत कोर्टात दावा दाखल केला होता. (47 lakh fraud on pretext of job Nashik Latest Crime News)
कोर्टाच्या आदेशानुसार उपनगर पोलिस ठाण्यात गुन्हा दाखल करण्यात आला आहे. टेरा फार्मा सुपर स्ट्रॅक्ट एलएलपी कंपनीचे प्रतित अशित शाह, क्रितीका अशित शाह या दोघा संशयितांनी २२ ऑक्टोबर २०२१ रोजी पुण्यातील रुबी रुग्णालयाशेजारील मिलियम स्टार बिल्डींगमध्ये राजीव काकड यांना टाटा कंपनीचे ५५ कोटी ५८ लाख ४७, ४५१ रुपयांचे कंत्राट भेटले आहे, असे सांगून बनावट कागदपत्र दाखवून काकड यांचा विश्वास संपादन केला.
काकड यांना उपकंत्राटदार म्हणून काम देण्यासाठी ६३ लाख ४० हजार रुपये घेतले. काही दिवसांनी त्यापैकी १६ लाख परत केले. मात्र, ४७ लाख ४० हजार रुपये परत दिले नाही. त्यांची फसवणूक केली. याप्रकरणी उपनगर पोलिसांनी गुन्हा दाखल केला. मात्र, गुन्हा पुण्यात घडल्याने तेथील बंडगार्डन पोलिस ठाण्यात वर्ग केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
