Nashik News : जेल रोड येथे ७२० आसन व्यवस्थेचे नविन नाट्यगृह नाशिक महापालिकेने मंजूर केले असून, त्यासाठी राज्य शासनाने ५ कोटीच्या निधीला मंजुरी दिली असल्याची माहिती पालकमंत्री दादा भुसे यांनी दिली. (5 Crores from Govt to Proposed Kothari Theater of Nashik Road News)
जेल रोड येथील प्रस्तावित नाट्यगृहासाठी ५० टक्के रक्कम नाशिक महापालिका व उर्वरित ५० टक्के रक्कम महाराष्ट्र शासनाकडून स्थानिक विकास कार्यक्रमांतर्गत दिली जाणार आहे.
या नाट्यगृहासाठी ठरल्यानुसार महाराष्ट्र शासनाकडून स्थानिक विकास कार्यक्रमांतर्गत ५ कोटी रुपये निधी मंजूर झाला असून, तो महापालिकेला वर्ग करण्यात आला.
नवीन नाट्यगृह मंजूर झाले, त्या वेळेस या कामाचे अंदाजपत्रकी रक्कम १८ कोटी होती. नवीन डीएसआर किमतीप्रमाणे या कामाची अंदाजपत्रकी रक्कम आता सुमारे ३५ कोटी रुपये झाली आहे.
हेही वाचा : Credit Card फसवणूक....काय घ्याल काळजी?
सदर काम सुरु होण्यासाठी महाराष्ट्र शासनाकडून स्थानिक विकास कार्यक्रमांतर्गत उर्वरित निधी महापालिकेकडे वर्ग करण्याबाबत सार्वजनिक बांधकाम मंत्री तथा पालकमंत्री दादा भुसे यांनी मुख्यमंत्री एकनाथ शिंदे यांना भेटून निधीसाठी पत्र दिले.
श्री. भुसे म्हणाले, की नाट्यगृहामुळे नाशिक रोड भागातील नाट्यप्रेमीची गरज पूर्ण होणार असून, अधिवेशनात कोठारी नाट्यगृहाचा विषय मार्गी लागणार आहे.
शासनाकडून निधी प्राप्त होण्यासाठी पालकमंत्री भुसे यांनी आग्रही भूमिका घेत पुरवणी अधिवेशनात या नाट्यगृहासाठी निधी उपलब्ध होण्यासाठी पाठपुरावा केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
