म्हसरूळ : पंचवटीतील इंद्रकुंड येथील पेट्रोलपंपासमोर रस्त्याने जाणाऱ्या कारने बुधवारी (ता. २२) जवळपास तीन ते चार दुचाकींना धडक दिल्याने चार ते पाच जण जखमी झाल्याची घटना घडली आहे. जखमींना उपचारासाठी खासगी रुग्णालयात दाखल करण्यात आले आहे. जखमींमध्ये चार पुरुष व एका महिलेचा समावेश असल्याचे समजते आहे. (5 persons injured in a car accident in front of a petrol pump at Indrakund in Panchavati nashik news)
इंद्रकुंडजवळच्या एका पेट्रोलपंपासमोरून कारचालक बुधवारी पंचवटी कारंजाकडे जात असताना वाहनावरील ताबा सुटला व वाहनाने पाठीमागून तीन ते चार दुचाकींना धडक दिली. या धडकेने दुचाकीस्वार जखमी झाले. झालेल्या अपघातामुळे परिसरातील मुख्य रस्त्यावर वाहतूक कोंडी निर्माण झाली होती.
घटनेचे वृत्त समजताच स्थानिक नागरिक, तसेच पोलिसांनी घटनास्थळी धाव घेत जखमींना तत्काळ रुग्णवाहिकेतून खासगी रुग्णालयात औषधोपचारासाठी हलविले. अपघातानंतर पोलिसांनी अपघात करणाऱ्या चालकाला ताब्यात घेतले आहे. बुधवारी झालेल्या पावसामुळे रस्ते ओलेचिंब झाले होते. कदाचित त्यामुळेच चालकाचे वाहनावरील नियंत्रण सुटून अपघात झाल्याचे प्रत्यक्षदर्शींनी सांगितले. सदर अपघाताबाबत रात्री उशिरा पंचवटी पोलिस ठाण्यात गुन्हा दाखल करण्याचे काम सुरू होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
