नाशिक : महापालिकेच्या (nmc) सार्वत्रिक निवडणुकीसाठी मंगळवारी (ता. ३१) सकाळी साडेदहाला महिला राखीव जागांसाठी प्रभागनिहाय आरक्षण सोडत होणार आहे. महापालिका प्रशासनाकडून यासंबंधीची सर्व तयारी सुरू आहे. दादासाहेब गायकवाड सभागृहात आरक्षणाची सोडत होणार आहे.
अनुसूचित जाती (महिला), अनुसूचित जमाती (महिला) आणि सर्वसाधारण (महिला) अशा तीन संवर्गासाठी चिठ्ठी पद्धतीने आरक्षण काढले जाणार आहे. महापालिकेतील एकूण जागेच्या ५० टक्के महिला राखीव जागांसाठी येत्या ३१ मेस अनुसूचित जाती (महिला), अनुसूचित जमाती (महिला) व सर्वसाधारण महिला जागा निश्‍चिती करिता प्रभागनिहाय आरक्षण सोडत काढली जाणार आहे. सर्वोच्च न्यायालयाने राज्य आयोगाला ३१ मेस होणाऱ्या आरक्षण सोडतीत १३३ जागांमधून ६७ जागांवर महिलांसाठी आरक्षण काढण्यात येणार असल्याने आता साऱ्यांच्या नजरा महिला आरक्षणाकडे लागल्या आहेत.
प्रस्थापितांचे पत्ते कट होण्याची भीती
महिला आरक्षण निघाल्यास त्या प्रभागात प्रस्थापितांचे पत्ते कट होण्याची भीती आहे, तसे अनेक प्रभागात आरक्षण सोडतीमुळे महिलांची लॉटरी लागणार आहे. त्यामुळे चिठ्ठीच अनेकांचे राजकीय भविष्य ठरविणार आहे. चिठ्ठी पद्धतीने हे आरक्षण काढण्यात येणार असल्याने त्यासाठी शालेय विद्यार्थ्यांचा शोध सुरू आहे. शिक्षण विभागावर त्याची जबाबदारी सोपवली आहे. दरम्यान, वाद होण्याची शक्यता गृहीत धरून सोडत प्रसंगी पोलिस बंदोबस्त मिळण्यासाठी पत्र देण्यात आले आहे. महापालिकेची मुदत मार्च महिन्यात संपली असली तरी, ओबीसी आरक्षणाच्या मुद्द्यावरून ती पुढे ढकलली गेली आहे. स्थानिक स्वराज्य संस्थांच्या निवडणुकीत पन्नास टक्के महिला आरक्षणामुळे महापालिकेत (Nmc) ६७ जागांवर महिलासाठी आरक्षण पडणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
