नाशिक : एप्रिल 2020 ते मे 2021 या कालावधीमध्ये शहरातील 17 स्मशानभूमींमध्ये मृतदेह जाळण्यासाठी पाच हजार ६९ टन लाकडांचा वापर झाल्याची माहिती घनकचरा विभागाला प्राप्त झालेल्या अहवालातून समोर आली आहे. सर्वाधिक लाकडाचा वापर या वर्षी एप्रिल महिन्यात झाल्याने याच कालावधीमध्ये सर्वाधिक कोविड मृत्यू (Covid Death) झाल्याचा अंदाज लावला जात आहे. (5,000 tons wood burnt in Nashik Amardham in 14 months)
मृतांची संख्या वाढल्याने लाकडाचा वापर अधिक
महापालिकेकडून 2002 पासून मोफत अंत्यसंस्कार योजना राबविली जाते. या योजनेंतर्गत मृतदेह जाळण्यासाठी सात टन लाकूड, रॉकेल व अन्य साहित्य पुरविले जाते. कोरोनाच्या पहिल्या व दुसऱ्या लाटेमध्ये मृतांची संख्या वाढल्याने या कालावधीमध्ये लाकडाचादेखील वापर अधिक झाला आहे. शहरात 17 स्मशानभूमी आहेत. या स्मशानभूमींमध्ये एप्रिल 2020 ते मे 2021 या कालावधीमध्ये पाच हजार 69 टन लाकूड जाळले गेले. मोफत अंत्यसंस्कार योजनेंतर्गत चार ते आठ मण लाकूड वापरले जाते. लहान मुलांसाठी चार मण, तर मोठ्या व्यक्तींसाठी सात मण लाकडाचा वापर होतो. लाकडाच्या एकूण वापरापैकी नाशिक अमरधाममध्ये एप्रिल 2020 ते मे 2021 या कालावधीमध्ये सर्वाधिक एक हजार 731 टन लाकूड मृतदेह जाळण्यासाठी वापरण्यात आले. पंचवटी अमरधाममध्ये 1446.69 टन, सिडको विभागात एक हजार 106 टन, सातपूर विभागात 448.10 , नाशिक रोड विभागात 337.30 टन लाकूड अंत्यसंस्कारासाठी वापरण्यात आले.
(5,000 tons wood burnt in Nashik Amardham in 14 months)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
