नाशिक : सावित्रीबाई फुले पुणे विद्यापीठ अधिकार मंडळांच्‍या निवडणुकीसाठी रविवारी (ता.८) जिल्ह्यात ८४ टक्के मतदान झाले. महाविद्यालयीन परिसंस्‍थांतील अध्यापक, विद्यापीठ अध्यापक आणि विभाग प्रमुख यांनी मतदान झाले.
दरम्‍यान मंगळवारी (ता.१०) विद्यापीठ प्रांगणात मतमोजणी प्रक्रिया पार पडणार आहे. (84 percent turnout in University Authority Board elections Situation in Nashik District Nashik News)
निवडणुका परदर्शीपणे पार पडण्यासाठी पुणे विद्यापीठाकडून विविध उपाययोजना केलेल्‍या होत्‍या. नाशिक जिल्‍ह्‍यासह पुणे व नगर जिल्‍ह्‍यातील ४५ मतदान केंद्रांवरील ५२ बुथवर मतदान झाले. जिल्ह्यात शहरी भागासोबत ग्रामीण क्षेत्रातही मतदान केंद्र उभारण्यात आलेले होते. त्‍यानुसार पात्र मतदारांनी आपआपल्‍या मतदारसंघासाठी हक्‍क बजावला.
बिनविरोध निवड होणाऱ्या गटांतील उमेदवारांची नावे मंगळवारी (ता.१०) विद्यापीठाच्‍या पै. खाशाबा जाधव क्रीडा संकुल येथे घोषित केले जातील. अधिकार मंडळांच्‍या निवडणुकीची मतमोजणी याच दिवशी सकाळी आठपासून पार पडणार आहे.
या जागांसाठी होती निवडणूक
महाविद्यालयीन, परिसंस्‍थांतील दहा अध्यापक आणि तीन विद्यापीठ अध्यापक अधिसभेसाठी निवडण्यात येत आहेत. प्रत्‍येक विद्याशाखेचे दोन अध्यापक विद्यापरिषदेवर, ३ विभागप्रमुख प्रत्‍येक अभ्यासमंडळावर निवडून देण्यासाठी निवडणूक प्रक्रिया राबविली आहे.
मतदानाची स्‍थिती अशी-
मतदान केंद्रांची संख्या---१२
एकूण मतदारांची संख्या--१ हजार ८०१
झालेले मतदान---------१ हजार ५०१
मतदानाची टक्‍केवारी----८३.८४
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
