Nashik Dengue Disease : शहरात सप्टेंबर महिन्यातील तीन आठवड्यात डेंगी संशयित रुग्णांची धक्कादायक आकडेवारी समोर आली आहे.
तब्बल ८४० डेंगूचे संशयित रुग्ण आढळले असून त्यातील १९६ अहवाल पॉझिटिव्ह आढळून आले आहेत. यामुळे शहरात धूर व औषध फवारणी कागदावरच होत असल्याचे दिसून येत आहे. (840 suspected patients of dengue in September nashik news)
शहरात डेंगीच्या रुग्णांची संख्या झपाट्याने वाढत आहे. डेंगीचे बहुतांशी नियंत्रण नागरिकांच्या हाती असले तरी महापालिकेच्या मलेरिया विभागाकडून धूर फवारणी व औषध फवारणी होणे देखील तितकेच गरजेचे आहे. मात्र कामकाज फक्त कागदावर असल्याचे आकडेवारीवरून दिसून येत आहे.
जानेवारीत १७, फेब्रुवारीमध्ये २८, मार्च २८, एप्रिलला आठ, मे मध्ये नऊ तर जूनमध्ये १३ डेंगीचे रुग्ण आढळून आले होते.
त्यानंतर डेंगीच्या रुग्णांची संख्या सातत्याने वाढल्याचे दिसून येत आहे. जुलैमध्ये १४४ डेंगीचे रुग्ण होते. ऑगस्टला हाच आकडा ११७ पर्यंत पोचला. सप्टेंबरमध्ये तीन आठवड्यात ८४० डेंगीचे संस्थेत रुग्ण आढळले.
त्यातील १९६ अहवाल पॉझिटिव्ह आले. डेंगी बाधितांचा एकूण आकडा ४५७ च्या पुढे गेला आहे. सदरचा आकडा महापालिकेच्या रुग्णालयांमधील असून खासगी रुग्णालयांमध्ये देखील मोठ्या प्रमाणात डेंगीचे रुग्ण आढळून येत आहे. डास उत्पत्तीची ठिकाणे शोधून काढणे व नष्ट करण्यासाठी शहरात ६२ आरोग्य पथके तैनात करण्यात आली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.