नाशिक : आहुर्ली (ता. इगतपुरी) येथे अल्पवयीन मुलीला लग्नाचे आमिष दाखवून वारंवार बलात्कार (Rape) केल्याप्रकरणी संशयित तरुणाविरोधात बलात्काराचा गुन्हा (Rape crime) दाखल झाला आहे. संशयिताला अटक झाली असून, न्यायालयाने तीन दिवसांची पोलिस कोठडी (Jail) सुनावली आहे. (abuse of minor girl Suspect in police custody Nashik Crime News)
अजित चंद्रकांत भोर (वय २३, रा. आहुर्ली, ता. इगतपुरी) असे संशयित तरुणाचे नाव आहे. पीडित मुलीच्या कुटुंबीयांनी दिलेल्या फिर्यादीनुसार, संशयित अजित याने जानेवारी २०२० ते एप्रिल २०२२ दरम्यान अल्पवयीन पीडितेला लग्नाचे आमिष दाखवून तिच्यावर वारंवार अत्याचार केले. संशयिताच्या त्रासाला कंटाळून पीडित कुटुंब अंबड परिसरात राहण्यास आले असता, तेथेही संशयिताने पीडितेचा पाठलाग करीत त्रास देणे सुरू केले. याप्रकरणी अंबड पोलिसांत बलात्कार व पॉक्सो अन्वये गुन्हा दाखल झाला असून, संशयित अजित यास अटक केली आहे. न्यायालयाने संशयिताला तीन दिवसांची पोलिस कोठडी सुनावली असून, उपनिरीक्षक नईद शेख तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
