'या गुन्ह्यातून सुटकेसाठी मी तुझी मदत करतो'...पण त्याच्याबद्दल्यात..

नाशिक : (चांदवड) 'तुझ्याविरोधात दाखल असलेल्या गुन्ह्यातून बाहेर निघायला मी तुझी मदत करतो', म्हणत सदर व्यक्तीकडे केली पैशाची मागणी अन् मग नंतर घडले असे...

अशी आहे घटना

दहेगाव (ता. चांदवड) येथील बेचाळीस वर्षीय पुरुषाविरोधात चांदवड पोलीस स्टेशनमध्ये गुन्हा दाखल आहे. या गुन्ह्यात मदत करण्यासाठी त्यांच्याकडे पोलीस हवालदाराने पैशांची मागणी केली होती. चांदवड पोलीस स्टेशनमध्ये कार्यरत नाशिक ग्रामीण पोलीस दलातील अशोक सुखदेव फुलमाळी हे ते पोलीस हवालदार होत. लाच लुचपत प्रतिबंधक नाशिक विभागाचे अधीक्षक सुनिल कडासने, अप्पर अधीक्षक निलेश सोनवणे यांच्या मार्गदर्शनाखाली पथकाने सापळा रचून तक्रारदाराकडून पाच हजार रुपयांची लाच घेताना फुलमाळी यांना रंगेहाथ पकडले. 

हेही वाचा > नाशिकला पवार साहेब आल्यानंतर सांगणार काय? कॉंग्रेस-राष्ट्रवादी कॉंग्रेसची अवस्था केविलवाणी.. तर मनसे कोमात!

अशोक सुखदेव फुलमाळी यांच्याकडून वारंवार पैशाची मागणी केली जात होती. शेवटी कंटाळून तक्रारदाराने ए.सी.बी.कडे तक्रार दाखल केली होती. ए.सी.बी.चे पोलीस निरीक्षक संदीप साळुंखे यांनी सापळा रचून फुलमाळीला रंगेहाथ पकडले. पोलीस निरीक्षक संदीप सांळुखे, पोलीस निरीक्षक प्रभाकर निकम, पोलीस नाईक वैभव देशमुख, पोलीस नाईक प्रवीण महाजन, पोलीस नाईक नितीन कराड, पोलीस हवालदार संतोष गांगुर्डे यांच्या पथकाने सदर कारवाई केली.

हेही वाचा > धक्कादायक! 'त्या' क्षणाला न बायको आठवली न लेकरं...दुर्देवी घटना

रिपोर्टर - भाऊसाहेब गोसावी

(संपादन - किशोरी वाघ)