Nashik Accident News : रोकडोबा परिसरातील असराची वेश येथे घंटागाडीचे ब्रेक फेल झाल्याने अपघात घडला. अपघातात दोन चारचाकीचे नुकसान झाले आहे.
तसेच, दुचाकीवर थांबलेले दोघे थोडक्यात बचावले. काही वेस परिसरात धावपळ उडाली होती. (Accident due to brake failure of garbage van nashik accident news)
नितीन पवार यांनी त्यांची चारचाकी (एमएच- १५- जीए- ७६७३) असराची वेस येथील गणपती मंदिर शेजारी उभी केलेली होती. शनिवार (ता. ३०) दुपारी महापालिका घंटागाडी (एमएच- १५- एफक्यू- ०१८९) जात असताना ब्रेक फेल झाले.
घंटागाडी श्री. पवार यांच्या चारचाकीसह शेजारी उभी असलेल्या चारचाकीला (एमएच- ०१- बीयू- ७६३८) जाऊन धडकली.
अपघातात दोन्ही वाहनांचे मोठे नुकसान झाले आहे. दरम्यान, दुचाकी घेऊन उभे असलेल्या दोघांच्या वेळीच लक्षात आल्याने त्यांनी पळ काढला.
अचानक ब्रेक फेल झाल्याने परिसरात धावपळ उडाली. सुदैवाने रस्त्यावर अन्य कोणी नसल्याने जीवितहानी घडली नाही. इतर वेळी मुख्य रस्ता असल्याने नेहमी वर्दळ असते. पवार यांनी घडलेल्या प्रकाराबाबत भद्रकाली पोलिसांना माहिती दिली. त्यांच्या तक्रारीवरून पोलिस ठाण्यात अपघाताचा गुन्हा दाखल करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
