Nashik Crime: 18 वीजचोरी प्रकरणात कारवाई

इंदिरानगर : महावितरण कंपनीने वीजचोरी शोधण्यासाठी इंदिरानगर, वडाळा भागात तपासणी मोहीम राबवत १८ वीजचोर शोधले. लाखोंची वीज चोरी पकडण्यात अधिकाऱ्यांना यश आले आहे.

सोमवारी (ता. १८) मुख्य अभियंता दीपक कुमठेकर आणि नाशिक अधीक्षक अभियंता ज्ञानदेव पडळकर यांच्या मार्गदर्शनाखाली इंदिरानगर, वडाळा गाव, मेहबूबनगर, साईनाथनगर, अशोका मार्ग आदी भागात पथके तयार करून मोहीम राबविली. (Action taken in 18 power theft cases Nashik Crime)

या अंतर्गत सुमारे १०० कनेक्शन चेक करण्यात आले. त्यापैकी १८ ठिकाणी वीजचोरी होत असल्याचे आढळले. सदर ग्राहकांना चोरीचे बिल देण्यात आले असून, नियमाप्रमाणे कार्यवाही करण्यात येणार आहे.

कोणीही वीज चोरी करत असल्यास त्याची माहिती महावितरण कंपनीला पुरविल्यास त्या व्यक्तीचे नाव गोपनीय ठेवले जाईल तरी ग्राहकांनी वीज चोरी विषयी माहिती द्यावी, असे आवाहन इंदिरानगर कक्षप्रमुख मंगेश सोनगिरे यांनी केले आहे.

मोहिमेत अतिरिक्त कार्यकारी अभियंता ज्ञानेश्वर सोनवणे, विशाल निंबाळकर, हेमंत बिरूड, सतीश माहेर, नितीन कातकडे आदींनी भाग घेतला.