कृषी मंत्री दादाजी भुसे यांची अवैध धंद्यांवर धडक कारवाई | Nashik

झोडगे (जि. नाशिक) : अस्ताने येथील विवाह सोहळ्यास भेट देण्यासाठी आपल्या वाहनातून प्रवास करत असताना झोडगे गावाजवळ अस्ताने रोडलगत टपरीवर सट्टा ,मटका लावण्यासाठी गर्दी असल्याने आपले वाहन थांबवून पहाणी केली असता सट्टा, मटका खेळण्याचे साहित्य आढळून आले. तात्काळ मालेगाव पोलिस अधीक्षकांसोबत फोनवर चर्चा करून मालेगाव पोलिसांना तेथे कारवाई करण्याचे आदेश देण्यात आले. तर पोलिस प्रशासनाच्या दुर्लक्षामुळे असा व्यवसाय सुरू असून सट्टा मटक्याच्या व्यसनामुळे शेतकरी, शेतमजूर व गरीब कुटुंबातील व्यक्तींना आर्थिक अडचणींमुळे आपले कुटुंब उघड्यावर आलेले दिसून येते. तर बेरोजगार तरुण अल्पावधीत पैसा मिळावा यासाठी जुगारासह, सट्टा मटक्याच्या आहारी जाऊन व्यसनाधीन होतांना दिसतात.

परिसरात अवैधपणे सुरू असलेल्या सट्टा मटक्याचे दुकाने जेसीबी मशीनचा साह्याने तात्काळ हटविण्यात आले असून मंत्री दादाजी भुसे (Dadaji Bhuse) यांच्या तात्काळ धडक कारवाईमुळे नागरिकांमध्ये समाधान व्यक्त केले जात आहे.